जेठ १६, २०८०
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
कात्तिक २५, २०७९
झापा– ५ मा नेकपा एमालेका अध्यक्ष केपी शर्मा ओलीसँग गठबन्धनका साझा उम्मेदवार डा. खगेन्द्र पाण्डव अधिकारीले चुनावी प्रतिस्पर्धा गरिरहेका छन् ।
२०७४ को चुनावमा पनि ओली र अधिकारीले नै चुनावी प्रतिस्पर्धा गरेका थिए । त्यसबेला अधिकारीले पाएको मतको दोब्बर मत ल्याएर ओलीले चुनाव जितेका थिए ।
०७४ मा एमाले र माओवादी केन्द्रको देशव्यापी गठबन्धन थियो । ओलीले झापामा राप्रपासँग पनि तालमेल गरेर आफ्नो विशाल जीत सुनिश्चित गराएका थिए ।
यसपटक माओवादी केन्द्र कांग्रेससँगको गठबन्धनमा छ । ओलीले राप्रपासँग तालमेल गरेका छन् । तर, स्थानीय तहको चुनावमा भने एमालेविरूद्ध राप्रपा र कांग्रेस एकजुट भएका थिए ।
कांग्रेस, माओवादी केन्द्र, एकीकृत समाजवादी र लोकतान्त्रिक समाजवादी पार्टीका साझा उम्मेदवार डा. अधिकारीले ५ वर्षअघिको अवस्थामा फेरबदल भइसकेका कारण आफूले ओलीलाई पराजित गर्ने निश्चित रहेको दाबी गरेका छन् ।
लोकान्तरकर्मी गगन अर्याल र राजु बास्कोटाले झापाको दमक पुगेर डा. अधिकारीसँग गरेको अन्तर्वार्ताको सम्पादित अंश :
चुनावी सरगर्मी बढेको छ । मतदाताको घर–घरमा पुगिरहनुभएको छ, प्रतिक्रियाचाहिँ कस्तो पाउनुभएको छ ?
– मैले यसपालि घरदैलो गर्दा मतदाताको सकारात्मक प्रतिक्रिया पाएको छु । सहयोग गर्ने वचन दिनुभएको छ । मप्रति मतदाताको भरोसा बढेको पाएको छु ।
अघिल्लो निर्वाचनमा म मतदाता माझ परिचित भइसकेको थिइनँ । राजनीतिमा चासो राख्नेले यसपटक मलाई राम्रोसँग बुझिसक्नु भएको छ । पहिले नचिनेकाहरूले पनि अहिले चिनिसक्नुभएको छ । चुनाव प्रचारका क्रममा असाध्यै सकारात्मक प्रतिक्रिया पाएको छु ।
२०७४ को चुनाव र अहिलेको चुनावमा तपाईंको प्रतिस्पर्धी एकै व्यक्ति हुनुहुन्छ । अघिल्लो चुनावमा तपाईंले पाएको मतको दोब्बर मत ल्याएर उहाँ विजयी हुनुभएको थियो । यसपटक कस्तो होला नतिजा ?
– अघिल्लो चुनावमा नेपाली कांग्रेस एक्लो थियो । त्यस बेला राप्रपाको १५ हजार हाराहारी भोट उहाँले पाउनुभएको थियो । माओवादीको पनि त्यति नै मत उहाँलाई गएको थियो ।
त्यो बेलामा म नितान्त एक्लै प्रतिस्पर्धामा थिएँ । अघिल्लो चुनावमा उपेन्द्र यादवसँग कांग्रेसको गठबन्धन थियो तर, यहाँका उनीहरूको उम्मेदवार पनि थिए । एक्ला–एक्लै प्रतिस्पर्धा भएको भए म अघिल्लो चुनावमै विजयी हुने रहेछु ।
माओवादी, एकीकृत समाजवादी र लोकतान्त्रिक समाजवादी पार्टी कांग्रेससँग छ । हामीलाई राष्ट्रिय प्रजातन्त्र पार्टीको पनि केही भोट आउँछन् । अघिल्लो चुनाव र अहिलेको चुनावमा आकाश जमिनको फरक छ । यी नै मैले चुनाव जित्ने बलिया आधार हुन् ।
स्थानीय तहको चुनावको मत हेर्ने हो भने एमाले र राप्रपाको मतसँग कांग्रेस, माओवादी र एकीकृत समाजवादीले पाएको मतको अन्तर १५ हजारभन्दा बढी छ । यो मतान्तरले त चुनाव तपाईंले दाबी गरेजस्तो सजिलो देखिँदैन नि ?
– उहाँ (ओली)ले राप्रपासँग तालमेल नगरी चुनाव जित्न सकिँदैन भन्ने ठानेर नै तालमेल गर्नुभएको हो । तर, राप्रपाको भावनात्मक सम्बन्ध हामीसँग छ । हामीले स्थानीय तहमा राप्रपाको हलो बोकेर हिँडेको, राप्रपाले कांग्रेसको झण्डा बोकेको, मत गणना गर्दा सँगै मत गनेको याद ताजा नै छन् । त्यो अवस्था अहिले पनि टुटेको छैन । उहाँहरूले त्यसको गुण अहिले तिर्ने अवस्था आएको छ ।
५ वर्ष पहिले र अहिलेको अवस्था फरक छ । अघिल्लो चुनावमा केपी ओली जुन अवस्थामा थिए, अहिले ठ्याक्कै उल्टो अवस्था छ ।
यहाँ खाना नपुग्ने गरीबको संख्या ठूलो छ । अघिल्लो चुनावको बेला नेकपाको सरकार बन्नेबित्तिकै सुतीसुती खान पुग्छ भनेर आश्वासन बाँड्नुभएको थियो । बेरोजगारको सर्टिफिकेट राखेर इलम पाइने, पानी जहाज चुच्चे नक्सा लगायतका सपना देखाउनुभएको थियो ।
जनताले एकपटक ती सपनाको परख गर्न चाहेका थिए । त्यसैले जिताइदिएका हुन् । अहिले त ती सबै बेकारका गफ रहेछन् भन्ने प्रमाणित भइसक्यो । अर्को चाहिँ म नयाँ उम्मेदवार भएको फाइदा पनि उहाँलाई भएको थियो । अहिले त्यस्तो अवस्था होइन ।
पटक–पटक प्रधानमन्त्री भएर देशको नेतृत्व गरेको, अहिले पनि ठूलो दलको अध्यक्ष रहेको हेभीवेट उम्मेदवारसँगको चुनावी प्रतिस्पर्धामा चुनौती महसूस त भएकै होला नि ?
– तपाईंहरूले भन्नुभएको हेभीवेट म मान्दिनँ । उहाँले डीआईजीलाई एआईजी बनाउनुभयो होला तर उनीहरूले यहाँ आएर भोट हाल्ने त होइनन् । हिजो बकुल्ला छाप चप्पल लगाएर हिड्नुहुन्थ्यो, आज कराडौंको मालिक हुनुहुन्छ होला, त्यसैलाई हेभीवेट देख्नुभएको हो कि ? जनतालाई त्यस्ता विषयमा सरोकार हुँदैन ।
उहाँ हिजोका दिनमा जेलमा बसेर त्याग गरे भन्नुहुन्छ, त्यो मैले देख्दिनँ । मैले त्याग गरेको छु । मैले जागिर छाडेर जनताको सेवा गर्न आएको हुँ । मैले विद्यावारिधि गरेको छु । उहाँले सयौं बालबालिकालाई पढ्न दिनुभएन, मैले पढाएँ । जनताले त्यसको मूल्यांकन गर्छन् ।
केपी ओलीको वर्षौंदेखिको विरासत भत्काउने दाबी गर्नुभयो । तपाईंका चुनावी एजेन्डा चाहिँ के–के हुन् ?
– मैले राष्ट्रिय एजेन्डा र स्थानीय एजेन्डा भनेर विभाजन गरेको छु । बिजुली उत्पादन, खानेपानी, ऊर्जा, सिँचाई, दिगो पर्यटन र विदेशी सम्बन्ध राष्ट्रिय एजेन्डा हुन् ।
४० वर्षदेखि झापामा रहेका सुकुम्बासी समस्या एकपटकमा समाधान गर्ने एजेन्डा बनाएको छु । झापा– ५ को दक्षिणी क्षेत्रमा रहेको सिमानामा भन्सार अभिवृद्धि गर्ने, तल्लो भेगलाई औद्योगीकरणमा लैजाने एजेन्डा अघि सारेको छु ।
अहिले पनि यो क्षेत्रमा जमिन सस्तो छ । रानी करिडोरमा उद्योग भरिइसकेकाले यसलाई विकास गर्ने र माथिल्लो क्षेत्रलाई हरियालीसहितको दमक शहर बनाउने स्थानीय एजेन्डाहरू छन् ।
एउटा मेडिकल कलेज खोल्ने योजना बनाएको छु । गौरीगञ्जमा अलपत्र परेको रतुवाको पुल चाँडोभन्दा चाँडो निर्माण गर्न पहल गर्नेछु । अहिलेसम्म यो पुललाई नेतृत्वले बेवास्ता गरेको थियो ।
केपी ओली २ पटक प्रधानमन्त्री भएको मान्छे । भ्यूटावर तुरून्त बनाउनुभयो तर पुललाई बेवास्ता गर्नुभएको छ ।
मेरो चुनावी जीतको आधार जनताको भरोसा, विश्वास हो । जनताले यसरी भरोसा दिनुमा मैले गरेको त्याग र समर्पणको प्रभाव छ । उहाँ (केपी ओली)को पछिल्लो समयको गिर्दै गरेको साख पनि मेरो चुनाव जित्ने आधार हो । उहाँले २ पटक गरेको संसद विघटनले पनि मलाई चुनाव जित्न सजिलो बनाएको छ ।
चुनाव जित्नेमा केपी ओली तपाईंभन्दा बढी विश्वस्त हुनुहुन्छ । त्यही कारण उहाँ चुनाव प्रचारमै आउनु परेको छैन । तपाईं भने मत माग्न घर–घर पुगिरहनु परेको छ नि ?
– मैले त्यस्तो ठानेको छैन । पहिला सहकर्मी साथीहरू उठ्न नमान्दा पनि म यो मैदानमा आएको हुँ । अहिले त म फूल कन्फिडेन्ट छु ।
उहाँ केही दिनअगाडि आएर सघन घरदैलो गरेर जानुभएको हो । जित्ने भए घर दैलो गर्नुपर्ने अवस्था थिएन होला ।
उहाँ अहिले पनि ठूलो भ्रममा हुनुहुन्छ । राप्रपाको भोट भनेर गणित निकाल्नुभएको छ । स्थानीय तहहरूको मत लगायतका कुराको हिसाब गर्नुभएको छ, तर कहाँ–कहाँ डढेलो लागेको छ भन्ने उहाँलाई थाहै छैन ।
चुनाव जित्दा कति मतान्तरले जित्ने आकलन गर्नुभएको छ ?
– अहिल्यै भन्न मिल्ने हो भने मेरो जीत भइसक्यो । अघिल्लो चुनावको परिस्थिति उल्टेका कारणले दोब्बर मत ल्याएर चुनाव जित्छु ।
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...