कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
कात्तिक २९, २०७९
मोरङ क्षेत्र नम्बर–४ (२) बाट प्रदेशसभा सदस्य उम्मेदवार रहेका नेकपा एमालेका नेता जीवन घिमिरेको यस पटक दोस्रो चुनावी प्रतिस्पर्धा हो । २०७४ मा चुनाव जितेर मन्त्रीसमेत भइसकेका घिमिरेलाई एमालेले संम्भावित मुख्यमन्त्रीका उम्मेदवारकोरूपमा अगाडि सारेको चर्चा उनको निर्वाचन क्षेत्रमा छ । उनै घिमिरको चुनावी तयारी र एजेण्डाका विषयमा गरिएकोे कुराकानीको सम्पादित अंशः
सत्तारू गठबन्धनसँग चुनावी प्रतिस्पर्धामा हुनुहुन्छ, माहोल कस्तो बनिरहेको छ ?
गठबन्धन हुनु र नहुनुमा तात्त्विक अन्तर छैन । त्यसको पुष्टि भर्खरै वैशाखामा सकिएको स्थानीय तहको निर्वाचनमा भएको छ । अघिल्लो पटक म उठेको समयको स्थानीय तहमा सिङ्गो एक क्षेत्रमा एमालले एक क्षेत्र मात्रै जितेको थियो । अहिले एउटा वडाका ५ जना सदस्य बाहेक सबै एमालेले जितेको छ । यसले पनि के देखाउँछ भने गठबन्धनका बाबजुद पनि हामी बलियो छौं । अघिल्लो त्यो अवस्थामा पनि मैले भारी मतान्तरले जितेको थिएँ । अहिले स्थानीय तहको मतपरिणाम अनुसार मेरो जित सुनिश्चित छ । एमालेको जस्तो संगठनात्मक सञ्जाल अरु कुनै पार्टीको छैन । तल्लो तहसम्म एमालेको नेटवर्क छ । पार्टी भित्र एकता छ । पार्टी गतिशील छ । स्थानीय तहमा धेरै जनप्रतिनिधि एमालेकै छन् । प्रदेश–१ मा म सरकारमा छँदा धेरै उल्लेखनीय काम गरेको छु । यो निर्वाचन क्षेत्रमा पनि दर्जनौ काम गरेको छु । यो–यो काम गरे भनेर छाती पिटेर भन्न सक्छु ।
स्थानीय तहको चुनावमा तपाईंको क्षेत्रमा एक्ला–एक्लै प्रतिस्पर्धा भएको थियो । अहिले सत्तारूढ दलहरु गठबन्धन नै बनाएर प्रतिस्पर्धामा आएका छन् नि ?
अहिलेकै टिमसँग नभए पनि अर्को टिमसँग गठबन्धन थियो । उपेन्द्र यादव मात्रै आउट हुनुभएको थियो तर अरू थिए । सबै ठाउँमा आ–आफै थिएनन् । त्यो बेला माओवादी र समाजवादीको समर्थन त थियो । हामी चाहिँ एक्लै भिडेर पनि परिणाम निकाल्न सकेका हौं ।
तपाईको प्रतिस्पर्धी विराटनगरको पूर्वमेयर हुनुहुन्छ । उहाँले पनि त्यो समयमा काम गर्नुभएको होला त्यसले तपाईलाई असर गर्दैन ?
नगर्ला । उहाँले मेयर भएर गरेको कामभन्दा मैले प्रदेशमा मन्त्री भएर गरेको काम बढी ओझिलो छ । दुई वटा उम्मेदवारको राजनीतिक जीवन र सामाजिक जीवनको पनि जनताले मूल्याङ्कन गर्लान । दुईवटै उम्मेदवार नयाँ होइन् । दुवै जनप्रतिनिधि भएर काम गरेकाले पहिचानको पनि अभाव छैन् । उम्मेदवारहरू को कस्तो क्षमताका हुन भन्ने कुरा जनताले थाहा पाइसकेका छन् । उहाँले काम गर्नुभयो वा भएन मेरो मुखले भन्न त मिलेन जनताले हेर्ने कुरा हो । यहाँ कसले काम गर्यो र गरेन भन्ने निर्णय जनताले आगामी निर्वाचनमा दिने मतले नै देखाउँछ ।
मतदाताले तपाईंलाई नै मत हाल्नुपर्ने गरी कस्ता चुनावी एजेण्डा ल्याउनुभएको छ ?
हामी सरकारमा हुँदा विराटनगर एयरर्पोटलाई अन्तर्राष्ट्रिय विमानस्थल बनाउने योजनामा जग्गा अधिग्रहण गर्ने भनेर बजेट छुट्टिसकेको अवस्थामा धोका भएको छ । यो विराटनगरबासीका लागि पीडादायी अवस्था हो । हामी सरकारमा गएपछि यो काम पूरा गर्छाैं । विराटनगरमा हरेक इन्डिकेरबाट हेर्दा छैटौं स्थानमा छ । यो काठमाडौं पछिको दोस्रो ठूलो शहर भनेर चिनिन्थ्यो । आज छैटौं स्थानमा आएको छ । यो कसले बनाएको हो, त्यसको खोजी गरेर फेरि पुरानै पहिचानमा फर्काउन आवश्यक छ । विराटनगरसँग जोडिएका २ वटा नदी फोहोर फाल्ने डम्पिङ साइड भएका छन् । त्यहाँ मेरो पहलमा फोहोर फाल्नु हुँदैन भनेर अभियान चलाएको थिएँ । त्यो सफा भएपछि जनतामा खोलामा फोहोर फाल्नु हुँदैन भन्ने जनचेतना अभिवृद्धि भएको छ । तर, ती खोलाहरूलाई सौन्दर्यकरण गर्ने सपना पूरा गर्नुछ ।
विराटनगरमा १४ वर्षदेखि बेवारिसे अवस्थामा रहेको रिङरोडलाई हामी पूरा गर्छौं । विराटनगर–कटहरी–भगनाह रेल्वे लामो समयदेखि बेवारिसे अवस्थामा थियो । हामीले नै भारत सरकार, नेपाल सरकार र सरोकारवाला पक्षलाई झकझक्याउँदै त्यो रेल्वे सेवा भगनाहबाट बडियारीसम्म सञ्चालन हुने अवस्था सिर्जना भएको छ । त्यो बाँकी कटहरी खण्ड पूरा गर्ने र रेल्वे सञ्चालन गर्ने काम गर्छौं । सम्वृद्धीका आधारहरू पहिचान गरेका छौं । त्यो विकास हाम्रो लक्ष्य हुनेछ । शिक्षा, स्वास्थ्य र रोजगारी हाम्रो प्राथामिकतामा छ ।
तपाईहरूकै सरकार थियो । लामो समयसम्म प्रदेशको नाम राख्नु सक्नुभएन त्यो विषयमा पनि त प्रश्न उठेको छ नि ?
नाम हिजै राख्नुपथ्र्यो राख्न सकिनएन त्यो गल्ती भयो । हामीले प्रदेशको राजधानी टुङ्ग्याउँदा नाम पनि टुङ्गाउन चाहेका थियौं । तर अन्य दलहरूले विभिन्न नामहरू ल्याएको र त्यसमा सहमति हुन नसकेकाले हामीसँग स्पष्ट दुइतिहाइ बहुमत हुँदाहुदै पनि सर्वसम्मत गरौं भन्ने कारणले रोकिएको थियो । पछि राजनीतिक समस्या आयो । त्यसकारणले नाम राख्न सकिएन । गठबन्धनको सरकार हुँदा पनि कोसिस गरेका हौं सकेनौं ।
यस पटकको चुनावमा हाम्रो बहुमत आउँछ । दुई तिहाई नआउन सक्छ तर दुई तिहाई पुर्याएरै हाम्रो सरकार बन्छ र प्रदेशको नाम पनि हाम्रौ अगुवाइको सरकारले राख्छौं । हामीले प्रदेश संरचनाको बेस निर्माण गरेका छौं ।
तपाई प्रदेश सरकारमा मन्त्री भइसक्नुभएको कारण अबको मुख्यमन्त्रीको दावेदार भन्ने पनि चर्चा रहेछ नि ?
यतिबेला मुख्यमन्त्री को बन्छ भन्ने बेला हैन । चुनावी अभियानमा छौं । जितेपछि मुख्यमन्त्री बन्न संख्या पुर्याउन लाग्नुपर्यो । म पर्टीमा सह–इन्चार्ज पनि भएकाले प्रदेश–१ का ५६ वटा निर्वाचन क्षेत्रमा मेरो ध्यान छ । बहुमत कसरी ल्याउनुपर्छ भन्ने विषयमा ध्यान छ । अहिले म मुख्यमन्त्री बन्नुपर्छ भन्ने मतदाता, अभियन्ता र राजनीतिक कार्यकर्ताबाट सुझाव आएको छ । पहिले चुनाव जित्नुपर्छ । त्यसपछि पार्टी निर्णयमा भरपर्ने विषय पनि हो ।
टिकट लिन नै तपाईलाई ठूलो संर्घष गर्नुपर्यो । अन्तिममा आएर मात्रै पाउनुभयो यसले गर्दा तपाईलाई पार्टी भित्रबाट असहयोग भइरहेको भन्ने पनि छ नि ?
यो भ्रम मात्र हो । साँचो कुरा म मोरङको क्षेत्र नम्बर–४ बाट संघीय सांसदको उम्मेदवार हुने निर्णय भएको थियो । म रिङ आउट भएको होइन् । मैले नै पछि नेतृत्वमा रहेर प्रदेशमा नै जाने हो भनेपछि प्रदेशमा टिकट पाएको हुँ । पार्टी भित्रको असन्तुष्टको कुरा समाप्त भएको छ ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...