दक्षिण कोरियाको राजधानी सौलमा रहेको लीउम कला संग्रहालयमा राखिएको महंगो केरा एकजना विद्यार्थीले झिकेर खाइदिएका छन् । 

माउरिजियो कात्तेलान नामक कलाकारले कमेडियन शीर्षकमा राखेको केरा सौल नेशनल विश्वविद्यालयमा कला विषय अध्ययन गरिरहेका एक विद्यार्थीले खाइदिएका हुन् । 

पाकेको केरालाई टेप टाँसेर भित्तामा राखिएको थियो । 

केरा खाने विद्यार्थीको नाम नोह हुइन–सू भएको बताइएको छ । उनले केरा खाएको भिडियो इन्स्टाग्राममा अप्लोड गरिएको छ । आधा केरा खाएर उनले त्यसलाई फेरि भित्तामा टाँसेका थिए । 

आफूलाई भोक लागेकाले केरा झिकेर खाइदिएको नोह बताउँछन् । 

सीएनएनका अनुसार, इन्स्टलेशन आर्टका रूपमा रहेको केरा तीन दिनमा बदलिने गरेको छ । यो कला सन् २०१९ मा १ लाख २० हजार डलरमा बिक्री गरिएको थियो । 

View this post on Instagram

A post shared by Seung Hwan, Han (@shwan.han)