‘चुम्दा मायाले’ बोलको गीत युट्युबमा सार्वजनिक गरिएको छ । 

शुक्रवार सार्वजनिक यो प्रेमगीतमा गायक सरोज साजन श्रेष्ठ र गायिका समीक्षा अधिकारीको स्वर छ । शब्द लम्साल यादवको छ भने संगीत अर्जुन पोखरेलले तयार पारेका हुन् ।

माइकल चन्दको निर्देशनमा यसको भिडियो तयार भएको छ । भिडियोमा लेन जी, उषा उप्रेती र ललना चिमरियाको अभिनय एवं नृत्य छ । 

यी तीन जनाको केमेष्ट्री भिडियोमा गज्जब देखिएको छ । माइकल स्टेप अप एन्ड आर्टस् एकेडेमीको कोरियोग्राफीमा तयार भएको भिडियोमा नवराज उप्रेतीको छायाँकन, सिलन लम्सालको सम्पादन छ । 

गीतले स्रोता–दर्शकको मन जित्ने विश्वास निर्माण टिमको छ । ‘द डिभाइन म्युजिक’ नामक युट्युब च्यानलमार्फत गीत सार्वजनिक गरिएको हो ।