मंसिर २, २०८०
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
कुरा भदौ १५ गतेको हो । गीतकार एवं संगीतकार लोकराज अधिकारी जीवन संगीनीको जन्मदिन ‘सेलिब्रेसन’को तयारीमा थिए ।
एकजना अमेरिकी नागरिक पनि उपस्थित थिइन् सेलिब्रेसनमा । त्यहाँ घन्किएको थियो लोकराजकै रचनामा रहेको गीत ‘रुपै मोहनी...।’
ती अमेरिकी नागरिकले उत्साहित हुँदै गीतको मेलोडी टिपेर गुनगुनाउने प्रयास गरिन् । त्यो देखेर लोकराजको ध्यान तानियो । मनभित्र जिज्ञासा जाग्यो – यि गायिका हुन् कि क्या हो !
उनले केही अंग्रेजी कभर गीत गाएर आफ्नो युट्युबमा राखेको लोकराजले थाहा पाए ।
उनी थिइन् २७ वर्षीया अमेरिकी नागरिक ज्याकलिन पेरालेज । खासमा उनी सर्ट फिल्मको सुटिङका लागि पहिलोपटक नेपाल आएकी थिइन्, दुई हप्ताको समय लिएर ।
अस्कर कलेजमा फिल्म पढेका लोकराजका छोरा जेएलसनको चिनजानमार्फत ज्याकलिन जन्मदिन सेलिब्रेसनमा पुगेकी रहिछिन् ।
नेपाली बोल्न नआउने भए पनि संगीतमा झुमेको देखेर लोकराजले प्रस्ताव राखे – गीत गाउने हो ? ज्याकलिनलाई पहिले सुटिङ सक्नु थियो । यद्यपि, गीत गाउन पनि उत्साहित रहेको उनले जवाफ दिएकी थिइन् ।
लोकराजले ज्याकलिनकै लागि लेखे गीत
ज्याकलिनलाई गीत गाउन दिने तय भयो । शुरूमा त पुरानै गीतको ट्रयाकमा गाउन दिने कि भन्ने सोच लोकराजमा आएको थियो । तर पहिले हिट भएको गीत गाउन दिँदा राम्रो र पृथक नसुनिने हो कि भन्ने डर पैदा भयो । अनि ज्याकलिनकै लागि लेखे, ‘ए कान्छा एउटा कुरा सुनिदेउ, मलाई नेपाल र नेपाली मन पर्यो ।’
लोकराजले गीतबारे भने, ‘यो उहाँकै लागि लेखेको हो । नेपाल आएका पर्यटकले नेपाली संस्कृति, नेपालको भूभाग, नेपाली रहनसहन, खाना, नेपाली पन र नेपाली मान्छे मन परेको भाव गीतमा उल्लेख छ । पर्यटकले नेपालको बयान गरेको गीत हो यो ।’
गत शनिवार गीतको डमी ज्याकलिनलाई दिए । त्यही डमीअनुसार उनले त्यसलाई फ्लो गर्दै गीत गाउने कोसिस गर्न थालिन् । शब्दहरू रोमनमा लेखेर उनले गीतको प्राक्टिस् गरिन् ।
गोविन्द मधुर आचार्यको संगीत रहेको गीत गत आइतवार म्युजिक बैंक नेपाल स्टुडियोमा रेकर्ड गराइन् । उनले साढे दुई घण्टा लगाएर गीत गाएको लोकराज बताउँछन् ।
कस्तो गाइन् ?
‘उहाँलाई नेपाली बोल्न आउँदैन । नमस्कार, मलाई नेपाली मनपर्छ, मःम मनपर्छ जस्ता कुराहरू बल्लबल्ल बोल्न सिक्नुभएको रहेछ’ लोकराजले भने, ‘तर उहाँले गाएको मिठो सुनिएको छ । ल्याङवेज त उताको आउँछ नै । तर पनि मेलोडी ठ्याक्कै पकड्ने, टाइमिङमा गाउने गरेका कारण सहज भयो ।’
लोकराजका अनुसार ज्याकलिन सोमवार अमेरिका फर्किएकी छिन् । टेक्सास निवासी उनी निर्देशक एवं सेट डिजाइनर समेत हुन् ।
अंग्रेजी, फ्रेन्स र नेपाली भाषामा निर्माण हुने सर्ट फिल्मका लागि ज्याकलिन नेपाल आएकी थिइन् ।
उनले गाएको गीत यतिबेला मिक्सिङ हुँदै छ । एक साताभित्रमा यसलाई सार्वजनिक गर्ने सोच लोकराजको छ ।
‘उहाँले गाउँदै गरेको फुटेज राखेर लिरिकल भिडियो बनाउने कि छुट्टै केही विदेशीलाई सिंगारेर भिडियो बनाउने भन्नेबारे सल्लाह गर्दैछौं’ उनले सुनाए ।
लोकराजले आफ्ना निकटस्थहरूलाई गीत सुनाउँदा सबैले राम्रो प्रतिक्रिया दिएका छन् । धेरैले पृथक खालको गीत भएको बताएका छन् ।
सोहीकारण लोकराज उत्साहित छन् । ‘पहिले नेपाली गायक/गायिकाले गाएको गीत पछि विदेशीले गाएको केही गीत सुनेको छु । तर विदेशीकै लागि भनेर यो भन्दा अगाडि गीतहरू तयार भएको जस्तो लाग्दैन’ लोकराजले भने, ‘सोहीकारण पनि यस गीतलाई लिएर एक किसिमको आशा छ ।’
अमेरिका पुगेपछि ज्याकलिनले पनि गीतबारे जिज्ञासा राखेकी थिइन् । उनी पनि गीतलाई लिएर निकै उत्साहित रहेको लोकराज बताउँछन् ।
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...