अभिनेता पल शाह र अभिनेत्री पूजा शर्माको सम्बन्धमा सुधार आएको छ । पल जेलबाट निस्किएदेखि उनीहरू एक–अर्कासँग दूरी बनाइरहेका थिए । पलले आफ्नी बहिनीको बिहेमा आफू निकट केही कलाकारहरूलाई निम्त्याउँदा पूजालाई भने निम्तो गरेका थिएनन् । त्यसपछि एक अन्तवार्तामा पूजाले आफूहरू टाढिएको स्वीकारेकी थिइन् । 

बिहीवारमात्रै पलको जन्मदिनमा पूजाले मध्यरात फेसबुकमा स्टाटस पोस्ट गर्दै शुभकामना दिएकी छन् । जुन शुभकामना सन्देशले उनीहरूबीचको सम्बन्ध सुध्रिएको बुझ्न सकिन्छ । 

‘प्रिय पल’ सम्बोधन गर्दै पूजाले अगाडि लेखेकी छन् –  जिन्दगीको गोरेटोमा हामीले सहयात्रा गर्दै गर्दा कैयौं वाधा आए । कतिपटक हामी एकसाथ रोयौँ र कहिले एकसाथ हाँस्यौँ पनि । कुनै पल तिमीसँग म रिसाए, कहिले तिमी मसँग रिसायौँ । तर, पनि हामीले हाम्रो चोखो मित्रतालाई टुट्न दिएनौँ । आज हाम्रो मित्रता अझै मजबुत भएको छ । तिमी बलियो भएका छौं । तिमीले दर्शकबाट पाएको अथाह प्रेम देख्दा म आफू नै हर्षित भएकी छु । ‘म यस्तो गीत गाउँछु’बाट सुरु भएको हाम्रो फिल्मी यात्रा ‘म यस्तो गीत गाउँछु २’ हुँदै अझै अगाडि बढ्दैछ । आज तिम्रो विशेष दिनमा म धेरै धेरै शुभकामना व्यक्त गर्न चाहन्छु । तिमीले चालेका हरेक कदमले सफलता चुमोस् । जन्मदिनको धेरै धेरै शुभकामना ।