सुन तस्करी प्रकरणमा पक्राउ परेका पूर्वसभामुख कृष्णबहादुर महरालाई ४ दिन हिरासतमा राख्न अदालतले अनुमति दिएको छ ।

उनलाई ४ दिन हिरासतमा राखेर अनुसन्धान गर्न अनुमति दिइएको काठमाडौं जिल्ला अदालतका सूचना अधिकारी चन्द्रप्रसाद पन्थीले लोकान्तरलाई जानकारी दिए ।

सूचना अधिकारी पन्थीका अनुसार न्यायाधीश दुर्गाप्रसाद खनालको इजलासले प्रहरीलाई अनुसन्धानका लागि उक्त अनुमति दिएको हो ।

महरालाई केन्द्रीय अनुसन्धान ब्यूरो (सीआईबी)ले सोमवार साँझ सरकारी वकिलको कार्यालय हुँदै अदालतमा उपस्थित गराएको थियो ।

पूर्वन्यायाधीश डिल्लीराज आचार्य नेतृत्वको समितिले मुद्दा चलाउन सिफारिस गरेपछि नेकपा माओवादी केन्द्रका उपाध्यक्षसमेत रहेका महरा सोमवार बिहान कपिलवस्तुबाट पक्राउ परेका थिए ।