नेपाल ए टोली र आयरल्याण्ड ए बीचको मैत्रीपूर्ण दोस्रो टी–२० खेल आज हुँदैछ । दुई टोलीबीच हिजोदेखि शुरू भएको तीन खेलको टी–२० शृङ्खलाअन्तर्गत आज दोस्रो खेल हुन लागेको हो । खेल कीर्तिपुरको त्रिवि क्रिकेट मैदानमा दिउँसो १ बजेदेखि शुरू हुनेछ ।

हिजो भएको पहिलो खेलमा नेपालको ए टोली २१ रनले पराजित भएको थियो । यो श्रृङ्खला जोगाउन नेपालको टोलीलाई आज जित्नैपर्ने दबाब छ । श्रृङखलाको तेस्रो तथा अन्तिम खेल पर्सि सोमवार हुनेछ । 

टी–२० शृङ्खलापछि यी दुई टोलीले बुधवारदेखि शुरू हुने तीन खेलको एकदिवसीय शृङ्खलामा खेल्नेछन् ।