नागरिक उन्मुक्ति पार्टीकी अध्यक्ष रञ्जिता श्रेष्ठ समूहका सांसद कैलाश चौधरीले सुदूरपश्चिमको मुख्यमन्त्रीमा दाबी गरेका छन् ।

नेकपा एमाले, माओवादी केन्द्रसहितका दलको समर्थनमा कैलाशले मुख्यमन्त्री दाबी गर्दै प्रदेश प्रमुख समक्ष दाबी पेश गरेका छन् ।

कैलाशले माओवादीका ११, एमालेका १०, नागरिक उन्मुक्तिका ७ र एक स्वतन्त्र सांसदको समर्थनमा मुख्यमन्त्री दाबी गरेका हुन् ।

यसअघि रेशम चौधरी पक्षका लक्ष्मणकिशोर चौधरीलाई मुख्यमन्त्री बनाउन कांग्रेस र नेकपा एसका सांसदको हस्ताक्षर बुझाइएको थियो ।

केन्द्रको सत्ता गठबन्धनमा रहेको नेकपा एसका सांसदले कांग्रेसले समर्थन गरेका नागरिक उन्मुक्तिका लक्ष्मणकिशोरलाई समर्थन गरेका थिए । नेकपा एसको संसदीय दलका नेता दीर्घ सोडारीले हस्ताक्षर गरेका छन् ।

नागरिक उन्मुक्तिकै दुवै पक्षले बहुमत दाबी गरेपछि प्रदेश प्रमुख नजिर मियाले कानूनी परामर्श थालेका छन् । मुख्यमन्त्री दाबी गरेका सांसदलाई सनाखत गराउने तयारी गरेका छन् ।

मुख्यमन्त्रीका लागि दाबी गर्न आइतवारसम्मको समय दिइएको थियो ।

सुदूरपश्चिममा राजनीतिक उथलपुथल, नेकपा एस पनि कांग्रेस र नागरिक उन्मुक्तिको कित्तामा