नेपाल प्रहरीका पूर्वडीआईजी रमेश खरेलले सहकारी ठगी प्रकरणमा उपप्रधानमन्त्री तथा गृहमन्त्री रवि लामिछानेलाई प्रतिवादी नबनाएकोमा आक्रोश व्यक्त गरेका छन् । उनले रुपन्देहीको सुप्रिम सहकारीबाट लामिछानेले पैसा झिकेको पुष्टि हुँदाहुँदै पनि उनलाई प्रतिवादी नबनाइनुलाई कानूनी राज्यको उपहास भनेका छन् । 

सामाजिक सञ्जाल एक्समा खरेल लेख्छन्, ‘गृहमन्त्री रवि लामिछानेले सहकारीबाट रकम लिएको प्रहरी अनुसन्धानबाट पुष्टि हुँदाहुँदै उनलाई प्रतिवादी नबनाइनु कानूनी राज्यको उपहास हो । सरकारले संवैधानिक छानबिन समिति बनाइ भुइँमान्छेलाई न्याय दिओस् र त्यतिन्जेल लामिछानेले पनि सत्ताबाहिर रहेर छानबिनलाई निष्पक्ष रूपमा कार्य गर्न देउन् ।’ 

गएको प्रतिनिधिसभाको उपनिर्वाचनमा लामिछानेकै दल राष्ट्रिय स्वतन्त्र पार्टी (रास्वपा)बाट टिकट लिएर बाराबाट चुनाव लडेका खरेल पछिल्लो समय उनैविरुद्ध खरो रुपमा प्रस्तुत हुँदै आएका छन् । उनले सामाजिक सञ्जाजमा मात्रै नभएर सञ्चारमाध्यममार्फत् समेत लामिछानेका चरित्रका बारेमा बोल्दै आएका छन् ।

सहकारी ठगीमा गृहमन्त्रीः सुशासन/संविधानविद्को राय– रविमाथि अनुसन्धान गरेर मुद्दा चलाउनुपर्छ