इलाममा करेन्ट लागेर एक जनाको मृत्यु भएको छ ।

बिजुलीको काम गर्ने क्रममा करेन्ट लाग्दा इलाम नगरपालिका-५ का ४२ वर्षीय दिलिप कुँवरको शुक्रवार दिउँसो मृत्यु भएको प्रहरीले जनाएको छ । 

इलामको सन्दकपुर गाउँपालिका लैजाँदै गरिएको नयाँ विद्युत्‌को पोलमा काम गर्ने क्रममा इलाम नगरपालिका-८ स्थित महभीर टोलमा कुँवरलाई ११ हजार भोल्टको करेन्ट लागेको थियो ।

कुँवरको शव डढेको अवस्थामा बिजुलीको पोलबाट खसेको थियो ।

उनको शवलाई पोस्टमार्टमका लागि इलाम अस्पतालमा लगिएको प्रहरीले जनाएको छ ।

घटनाको सम्बन्धमा थप अनुसन्धान भइरहेको जिल्ला प्रहरी कार्यालय इलामका प्रहरी नायब उपरीक्षक (डीएसपी) प्रकाश जबेगूले जानकारी दिए ।