नेकपा एमालेका अध्यक्ष केपी शर्मा ओलीले एमाले समाप्त पार्ने षड्यन्त्रलाई चिरेर अनकूल स्थितिमा पुगेको बताएका छन् । पार्टीको राष्ट्रिय महाधिवेशन प्रतिनिधि परिषद् बैठक उद्घाटन गर्दै ओलीले षडयन्त्रपूर्ण घेराबन्दीलाई चिर्न सफल भएको बताएका हुन् । 

‘एमालेलाई सरकारबाट षड्यन्त्रपूर्णरूपमा विस्थापन गर्न घेराबन्दी गर्ने, पार्टीविरुद्ध भ्रमपूर्ण प्रचार र आक्रमण गरेर पार्टीलाई समाप्त पार्ने षड्यन्त्रलाई चिरेर हामी आजको अनुकूल स्थितिमा आइपुगेका हौं,’ ओलीले भने ।

एमालेको दशौं महाधिवेशन र त्यसभन्दा अगाडि पार्टी विभाजनलगत्तै  ठूलो घेराबन्दी भएको उनले बताए । पार्टी विभाजन र सरकारबाट हटाउने प्रयत्न भएको २०७७ साल एमालेको लागि चुनौतीका वर्ष भएको ओलीले बताए । 

आजको दिनमा पनि चुनौती समाप्त नभएको भन्दै उनले एमालेको अग्रसरतामा स्थायित्व र सुशासन दिनेगरी अगाडि बढ्ने बताए ।