सुरक्षण मुद्रण केन्द्रका निलम्बित कार्यकारी निर्देशक विकल पौडेलविरुद्ध भ्रष्टाचार मुद्दा दायर भएको छ ।

झुट्टा विवरण पेश गरी भ्रष्टाचार गरेको आरोपमा उनीविरुद्ध आइतवार विशेष अदालत काठमाडौंमा मुद्दा दायर गरिएको अख्तियार दुरुपयोग अनुसन्धान आयोगले जनाएको छ ।

आयोगका प्रवक्ता नरहरि घिमिरेका अनुसार उनले सार्वजनिक पदमै रहँदा अमेरिकाको स्थायी आवासीय अनुमति पत्र (पीआर) लिएका थिए ।

गैरकानूनी सम्पत्ति आर्जनको अभियोगमा पक्राउ परेका पौडेल अहिले प्रहरी हिरासतमै छन् ।

साथै २०७९ जेठ १३ गते पदावधि थप गर्दासमेत उनले पीआर लिएको विषय लुकाएर राष्ट्रसेवकको हैसियतमा सेवा सुविधा लिएका आयोगले जनाएको छ । 

आयोगले उनीविरुद्ध कैद र जरिवानाको सजायका साथै भ्रष्टाचार निवारण ऐन, २०५९ को दफा २४ बमोजिम थप सजायको समेत मागदाबी ​गरेको छ ।