अख्तियार दुरुपयोग अनुसन्धान आयोगले गैरकानूनी सम्पत्ति आर्जनमा सुनिल पौडेलविरुद्ध गैरकानूनी सम्पत्ति आर्जनसम्बन्धी मुद्दा दायर गरेको छ ।

२३ करोड ७५ लाख ४६ हजार ३२४ रुपैयाँ गैरकानूनी सम्पत्ति आर्जन गरेको दाबीसहित आइतबार विशेष अदालतमा मुद्दा दायर गरिएको हो ।

राष्ट्रिय सूचना प्रविधि केन्द्रका तत्कालीन कार्यकारी निर्देशक पौडेलविरुद्ध मुद्दा दायर भएको विशेष अदालतका सूचना अधिकारी यज्ञराज रेग्मीले जानकारी दिए ।

सूचना अधिकारी रेग्मीका अनुसार उनको वैध आय १ करोड १९ लाख २४ हजार ४८६ रुपैयाँ रहेकोमा व्यय २४ करोड ९४ लाख ७१ हजार १७१ रुपैयाँ रहेको देखिएपछि मुद्दा दायर भएको हो ।​​

सुनिलसँगै उनका भाइ अनिल पौडेलविरुद्ध पनि मुद्दा दायर गरिएको छ ।