चैत २७, २०८०
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
पुस १, २०७५
काठमाडौं –नेपालको पहिलो विज्ञान क्याम्पस, अमृत साइन्स क्याम्पसमा दरबन्दी र आंशिकमा गरी १ सय ५१ जना शिक्षक कर्मचारी कार्यरत छन् । तर अधिकांश शिक्षक/प्राध्यापकहरू बाहिरका कलेजमा व्यस्त हुँदा क्याम्पसको अध्ययन भने प्रभावित हुँदै आएको छ ।
राष्ट्रिय सतर्कता केन्द्रले गरेको छानबिन अनुसार अमृत साइन्स क्याम्पसका ५५ जना शिक्षक कर्मचारीहरू अन्य सामुदायिक र संस्थागत कलेजमा कार्यरत छन् ।
यसरी निजी कलेजमा व्यस्त हुनेमा कलेजका प्राध्यापक डा. दमणराज गौतमदेखि आंशिक रूपमा भर्ना भएका शिक्षण सहायकहरू समेत छन् । प्राध्यापक डा. गौतम काठमाडौंको तीनकुनेस्थित नासा इन्टरनेशनल कलेजमा अध्यापन गर्छन् ।
स्रोतका अनुसार डा. गौतमले दिउँसो १ बजेदेखि नासा इन्टरनेसनल कलेजमा अध्यापन गर्ने अनुमति लिएका छन् । तर उनी ब्हिान ११ बजेदेखि नै नासामा क्लास लिन्छन् ।
अमृत साइन्स क्याम्पसका उपप्राध्यापक जय प्रकाश हमालले यसअघि अनुमति नै नलिई एउटा निजी कलेजमा अध्यापन गराइरहेका थिए । बानेश्वरस्थित नेसनल एकेडेमी अफ मेडिकल साइन्समा अध्यापन गर्न स्वीकृति लिएका हमाल अनुमतिविनै सोल्टीमोडस्थित मनमोहन मेमोरियल हेल्थ इन्ष्टिच्यूट एण्ड रिसर्च सेन्टरमा पनि अध्यापन गरिरहेका थिए ।
हमालले ३ मंसिर २०७० देखि मनमोहन मेमोरियल हेल्थ इन्स्टिच्यूट एण्ड रिसर्च सेन्टरमा काम गरिरहेकोमा त्रिविको चेतावनीपछि छाडेको जानकारी दिएका थिए ।
हामलकै अनुरोधमा त्रिविले उनलाई २०७२ असार मसान्तसम्म बानेश्वरस्थित नेसनल एकेडेमी अफ मेडिकल साइन्समा अध्यापन गर्न स्वीकृति दिएको थियो । तर हमाल अहिलेसम्म पनि त्यहाँ कार्यरत छन् । अमृत साइन्स क्याम्पस प्रशासनलाई हामलले स्वीकृति लिए–नलिएकोबारे केही ‘जानकारी छैन’ ।
यी हुन् बाहिरको स्कूल कलेजमा काम गर्ने अमृत साइन्स क्याम्पसका शिक्षक कर्मचारी
कर्मचारी नियुक्तिमा कानूनको उपहास
अमृत साइन्स क्याम्पसमा प्राध्यापक, सहप्राध्यापक, उपप्राध्यापक र शिक्षण सहायक गरी १ सय ५१ जना शिक्षक कर्मचारीको दरबन्दी छ । जसमध्ये ९४ जना मात्रै स्थायी रूपमा नियुक्त छन् ।
बाँकी ५७ जना शिक्षक कर्मचारीलाई करारमा नियुक्त गरिएको छ । यी सबै कर्मचारी नियुक्त गर्दा नियम उल्लंघन गरिएको सतर्कता केन्द्रको अनुसन्धानबाट फेला परेको छ ।
त्रिवि कर्मचारी सेवा सम्बन्धी नियम १० को उपनियम (१) र (१) को (क) अनुसार सेवा आयोगको सिफारिसका आधारमा मात्रै रिक्त पदमा कर्मचारी नियुक्त गर्ने व्यवस्था गरिएको छ ।
पद रिक्त भएको १ महिनाभित्रमा सेवा आयोगलाई सूचना दिएर कर्मचारी नियुक्तिको प्रक्रिया शुरू गरिने नीतिगत व्यवस्था भएपनि अमृत साइन्स क्याम्पसमा सेवा आयोगको स्वीकृतिविनै शिक्षक कर्मचारी नियुक्त गरिएको छ ।
अमृत साइन्स क्याम्पसमा शिक्षण सहायक पदमा ८ जना शिक्षकलाई आंशिक रूपमा नियुक्त गरिएको छ । तर यी आंशिक शिक्षक नियुक्त गर्दा पनि त्रिविको नियम उल्लंघन गरिएको सतर्कता केन्द्रको छानबिनबाट फेला परेको छ ।
त्रिवि कर्मचारी प्रशासन महाशाखाको निर्णय नम्बर ४५४ का अनुसार कुनै विषयको आंशिक शिक्षक नियुक्ति गर्दा त्रिवि केन्द्रीय कार्यालयबाट स्वीकृति लिनुपर्ने हुन्छ । स्नातक तहका लागि साप्ताहित न्युनतम १५ पिरियड र स्नातकोत्तर तहका लागि साप्ताहिक कम्तिमा १२ पिरियड कक्षा भार भएमा पाठ्यक्रम बनाएर केन्द्रीय कार्यालयबाट स्वीकृती लिनुपर्ने व्यवस्था भएपनि अमृत साइन्स क्याम्पसमा यसको पालना भएको छैन ।
अनियमित रूपमा रकम खर्च
अमृत साइन्स क्याम्पस प्रशासनले विभिन्न कार्यक्रम र सहायतका नाममा अनियमित रूपमा रकम खर्च गर्ने गरेको सतर्कता केन्द्रको छानबिनबाट फेला परेको छ । महालेखा परीक्षकको प्रतिवेदन २०७३/७४ मा समेत क्याम्पस प्रशासनले २ लाख ५८ हजार रूपैयाँ अनियमित रूपमा खर्च गरेको उल्लेख छ ।
त्रिवि आर्थिक व्यवस्थापन तथा सञ्चय कोषसम्बन्धी नियम २०५० को नियम २४ (७) अनुसार स्वीकृत बजेटभित्र र सम्बन्धित शीर्षक, उपशीर्षकभित्र पर्ने रकम मात्र सिधै खर्च गर्न पाइन्छ । तर क्याम्पस प्रशासनले विभिन्न व्यक्तिलाई अनुदान भनेर १० देखि ५० हजार रूपैयाँसम्म हचुवाका भरमा दिने गरेको भेटिएको छ ।
यस्तै, क्याम्पसमा हुने विभिन्न प्रतियोगितामा समेत अनियमित रूपमा सहायताका नाममा रकम वितरण हुने गरेको सतर्कता केन्द्रले औंल्याएको छ ।
पढ्नुहोस्, यो पनि :
त्रिविमा बेथिति : त्रिचन्द्र कलेजमा आर्थिक अनियमिततादेखि प्राध्यापकको मनपरीसम्म [भाग १]
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
स्वास्थ्य तथा जनसंख्या मन्त्री उपेन्द्र यादवका छोरा अमरेन्द्र यादवले मन्त्रालयमा 'छायाँ मन्त्री'को झल्को दिनेगरी काम गरिरहेको चर्चा हुन थालेको छ । मन्त्री यादवले गर्नुपर्ने कामसमेत स्वकीय सचिवको रूपमा रहेका ...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...