बुटवल, ५ चैत– प्रदेश नम्बर पाँचमा मन्त्रिपरिषद् विस्तार भएको छ । 

सोमबार (आज) तीन जना मन्त्री थपिएका हुन् ।  मुख्यमन्त्री शंकर पोखरेलले शपथ लिएको एक महिनापछि आफ्नो मन्त्रीमण्डलमा ३ जना मन्त्री थप गरेको हुन् ।  

एमालेका सांसद लिला गिरीलाई उद्योग पर्यटन, वन तथा वातारण मन्त्रालय, एमालेकै बाँकेकी सांसद आरती पौडेललाई भूमि व्यवस्था तथा सहकारी मन्त्रालय र गुल्मीका माओवादी सांसद सुर्दशन बराललाई सामाजिक मन्त्रालय सम्हालेका छन् । तीनै जनालाई मुख्यमन्त्रीको उपस्थितिमा प्रदेश प्रमुख उमाकान्त झाले संविधानको धारा १७२ बमोजिम पद तथा गोपनियताको सपथ खुवाए । तीनै जना मन्त्रीले सोमबार नै पदबहाली गरेका छन् ।

३ जना मन्त्री थपिए पनि मन्त्रिपरिषद्ले अझै पूर्णता पाएको छैन । आर्थिक मामिला मन्त्री को हुने अझै टुङगो लागेको छैन । प्रदेश नम्बर पाँच ७ मन्त्रालय रहने छन् । 

यस अगाडि मख्यमन्त्री सहित, भौतिकपूर्वाधार तथा यातायात व्यवस्था मन्त्रालय बैजनाथ चौधरी, आन्तरिक मामिला तथा कानून मन्त्रालय कूलप्रसाद केसीले सम्हालिसकेका छन् । 

उद्योग पर्यटन, वन तथा बातावरण मन्त्रालय यातायात व्यवस्था कार्यालयमा, भूमिव्यवस्था कार्यालय नलकुप कार्यालयमा र सामाजिक विकास मन्त्रालय बुटवलको बसपार्क स्थित बस टर्मिनलमा रहेका छन् ।