कात्तिक २४, २०८०
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
डा. जयराज आचार्य -
पृथ्वीनारायण शाह (शासनकाल वि. सं. १८००-१८३१) पछि भानुभक्त आचार्य (वि. सं. १८७१-१९२५) नेपाल राष्ट्र निर्माण आन्दोलनका दोस्रो कडी हुन् । आफूले राजनीतिक रूपमा एकीकरण गरेको नेपाललाई पृथ्वीनारायण शाहले चार वर्ण छत्तीस जातको फूलबारी भने । भानुभक्त आचार्यले त्यस फूलबारीका फूलहरूलाई भाषिक एकताको सूत्रमा उनेर माला बनाइदिए । त्यसैले हामी आज हामी हाम्रो राष्ट्रिय गीत यसरी गाउँछौं – “सयौं थुङ्गा फूलका हामी यौटै माला नेपाली” । यसरी ती दुई सपूतले नेपालको राष्ट्रिय पहिचान निर्माणको जग हालेका थिए ।
आजको नेपालको राष्ट्रिय एकता र पहिचानको एक मात्र बलियो आधार भनेको नेपाली भाषा नै हो र यसको सान्दर्भिकता नेपाल बाहिर पनि छ । दार्जीलिङ, सिक्किम आदि क्षेत्रमा पनि नेपाली भाषा नै नेपालीहरूको पहिचानको आधार बनेको छ । भारतको संविधानको आठौं अनुसूचीमा समेत नेपाली भाषा छ । त्यसको मतलब त्यहाँ यो सरकारी कामकाजको भाषा हुनसक्छ ।
भानुभक्तको सालिक नेपालमा भन्दा पहिले दार्जीलिङमा स्थापित भयो । यस काममा सूर्य विक्रम ज्ञवाली, धरणीधर कोइराला र पारसमणि प्रधान (सूधपा) को ठूलो योगदान रह्यो । आज भानु जयन्ती नेपालमा मात्र होइन, दार्जीलिङ, सिक्किम र अन्यत्र पनि मनाइन्छ जहाँ नेपालीहरू बसेका छन् । पश्चिम बंगाल सरकारले भानु जयन्तीलाई राज्य स्तरमा नै मनाउने निर्णय गरेपछि गत वर्ष भानु जयन्तीका अवसरमा भारतका राष्ट्रपति प्रणव मुखर्जीले दार्जीलिङ गएर भानुभक्तको सालिकमा माल्यार्पण गरेका तसवीरहरू छापामा आए । नेपाली भाषा बोल्नेहरू भारतको राजनीतिमा समेत एउटा उल्लेख्य कारक बनेका छन् । यो भानुभक्त आचार्यको कामको फल हो ।
पृथ्वीनारायण शाह र भानुभक्त आचार्यले बनाएको राष्ट्रिय पहिचानको आधारमा आज हामी नेपालको आर्थिक र सामाजिक विकासका लागि प्रयत्न गर्दैछौं । आज हामीले राष्ट्र निर्माणका लगि गर्ने हरेक क्रियाकलाप उनीहरूले थालेको अभियानलाई अघि बढाउने व्यापक प्रयास हो । उनीहरूलाई यो राष्ट्रको भविष्य छ भन्ने विश्वास भएर नै उनीहरूले आफ्नो पूरा जीवन लगाए । हामीले आज नेपालको भविष्य अन्धकारतिर धकेल्न हुँदैन ।
भानुभक्तका समयमा नेपाली भाषाको भविष्य सुनिश्चित देख्नेहरू कम थिए । त्यतिखेर पढेलेखेकाहरू पनि कमै थिए र ती संस्कृतमा नै लेख्न चाहन्थे । तर भानुभक्तलाई यो देशको भविष्य छ र नेपाली भाषाको भविष्य छ भन्ने विश्वास भयो नेपाली साहित्यको जग हाल्न जाँगर आयो । उनी भन्दा अघि पनि छिटफुट नेपाली कविता लेख्ने कविहरू नभएका होइनन् । तर भानुभक्तले जुन नेपाली रामायणको रचना गरे (त्यो अनुवादै किन नहोस्) त्यति ठूलो कृति नेपाली भाषामा उनीभन्दा अघि कसैले लेखिएको पाइन्न ।
भानुभक्तका कृतित्वको बीज मोतीराम भट्ट, शम्भुप्रसाद ढुङ्गेल, चक्रपाणि चालिसे, लेखनाथ पौड्याल, बालकृष्ण सम, लक्ष्मीप्रसाद देवकोटा र माधव घिमिरेमा मात्र होइन, गोपाल प्रसाद रिमाल, भूपी शेरचन, हरिभक्त कटुवालको कृतित्वमा पनि झाङ्गिएको छ । यथार्थमा गद्य कविता, कथा, निबन्ध र उपन्यास लगायत नेपाली वाङ्मयका अनेकानेक विधामा कलम चलाउने सयौं लेखकहरू भानुभक्तकै विभिन्न अवतार हुन् र नेपाली राष्ट्र निर्माणको महाअभियानमा सामेल भएका विभन्न तहका सेना हुन् ।
भानुभक्तले नेपालको राजधानीलाई “अलकापुरि कान्तिपुरी नगरी” भनेर वर्णन गरे । आजको काठमाण्डुको हिलो, धुलो, धूवा, फोहोर र अस्तव्यस्तता देखेको भए उनी त्यसो भन्दैनथे होलान् । हामी आजको अवस्थाका कारकहरू हौं र यस विषयबाट हामी लज्जित हुनुपर्छ र यस्तो परिस्थितिलाई सुधार्न प्रयास हामीले गर्नैपर्छ ।
पृथ्वीनारायण शाहले बिसे नगर्चीबाट पाएको सुझावबाट देशको राजनीतिक एकीकरण गरे । भानुभक्तले घाँसीबाट प्रेरणा लिएर भाषिक एकीकरण गरे । अदना गरीब नेपाली नागरिकको बोलीले प्रेरित हुँदा राष्ट्रको त्यस्तो अभियान शुरु हुनेरहेछ । हामी विदेशबाट आयातित प्राडो-पजेरो चढेर गरीबको उपेक्षा गर्ने राजनीतिक रोग लागेकाहरूले ती सपूतहरूको जीवन र कामबाट पनि केही सिक्ने कि? *अर्काइभबाट
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...