काठमाडौं – क्रिस्टियानो रोनाल्डोले आफू युभेन्टस जान लागेको जानकारी दिएको पोस्ट सामाजिक सञ्जाल इन्स्टाग्राममै पाँचौं सबभन्दा धेरै लाइक पाएको तस्वीर बनेको छ । 

यी पोर्चुगाली सुपरस्टार १४ अर्ब रुपैयाँका साथ रियल मड्रिडबाट युभेन्टस गएका छन् ।

यसपछि त सामाजिक सञ्जालमा तुफानै आयो अनि रोनाल्डोको पोस्टले एक करोड १३ लाखभन्दा बढी लाइक पायो । 

तर रोनाल्डोको अर्को पोस्टले यसभन्दा बढी लाइक पाएको छ । उनले छोरी अलाना मार्टिनाको जन्मको घोषणाका साथ राखेको तस्वीरले एक करोड १४ लाखभन्दा बढी लाइक पाएको थियो । 

इन्स्टाग्राममा सबभन्दा बढी लाइक पाएको कीर्तिमान रियालिटी टीभी स्टार काइली जेनरको नाममा छ । उनको पोस्टले १ करोड ७९ लाख लाइक पाएको छ ।

एजेन्सी