काठमाडौं — मीटू अभियानअन्तर्गत हरेक सदन नयाँ नयाा खुलासा भइरहेको छ । बलिउडदेखि राजनीति र पत्रकारिता जस्ता महत्त्वपूर्ण क्षेत्रमा रहेका महिलाले आफूमाथि भएका दुर्व्यवहार र यौन शोषणका कर्तूतको भण्डाफोर गरेका छन् । 

महिलाहरूको यो साहसलाई धेरैले समर्थन गरेका छन् भने केही मानिस चाहिँ महिलाहरूको उद्देश्यमाथि प्रश्न उठाइरहेका छन् । 

यसैबीच भारतको सत्ताधारी दल भारतीय जनता पार्टीकी एक महिला विधायकले मीटूका बारेमा प्रश्न उठाएकी छन् । मध्य प्रदेशको इन्दौरबाट भाजपा विधायक ऊषा ठाकुरले महिलाहरू सफलताका लागि शर्टकट अपनाउने बताएकी छन् । 

उनले भनिन्, ‘महिलाहरू निजी स्वार्थका लागि नैतिक मूल्यसँग सम्झौता गर्छन् । सम्झौता गर्दै जाँदा उनीहरू समस्यामा फस्दै जान्छन् । जीवनमूल्यसँग सम्झौता गरेर पाइएको सफलता निरर्थक छ । केही व्यावसाियक महिला सफलता पाउन शर्टकट अपाउँछन् र अहिले आएर मीटू मीटू भन्छन् ।’

एजेन्सी