काठमाडौं — बेलायतकी महारानी एलिजाबेथका छोरा राजकुमार चार्ल्सको ५० वर्ष पुरानो कार ह्वाइट वाइनबाट चल्ने गरेको छ । 

चार्ल्स विलासी गाडीका शौखिन हुन् र वातावरणप्रेमी पनि । त्यसैले उनले आफ्नो एस्टन मार्टिन कारमा विशेष परिवर्तन ल्याएर वाइनबाट चल्न मिल्ने बनाएका छन् र कम प्रदूषण गराएका छन् । 

वातावरण संरक्षणका विषयमा कुरा गरिरहने चार्ल्सले आफ्नो कार मात्र नभई शाही ट्रेनलाई पनि वातावरणमैत्री बनाएका छन् । ट्रेनमा खाना पकाउने तेल प्रयोग गरिएको छ । 

आज राजकुमार चार्ल्सको जन्मदिन हो । त्यसै अवसरमा बनेको एक डक्युमेन्ट्रीमा उनले कार र ट्रेनका विषयमा बताएका हुन् ।

महारानीले चार्ल्सलाई सन् १९६९ मा उनको २१औं जन्मदिनमा यो कार उपहार दिएकी थिइन् । चार्ल्स अझै पनि यो कार चलाउँछन् । 

संसारमा बायोफ्युल टेक्नोलोजी आएपछि चार्ल्सले एस्टन मार्टिनका इन्जिनीयरहरूलाई आफ्नो कार बायोफ्युलबाट चल्न लायक बनाउन लगाएका थिए । 

वाइनको बोतल इन्जिनमा खन्याएर काम हुने हैन । एस्टन मार्टिनका इन्जिनीयरहरूका अनुसार, चार्ल्सको कार विशेष मिश्रण भएको ई–८५ फ्युलबाट चल्छ । त्यसमा ८५ प्रतिशत ह्वाइट वाइन र १५ प्रतिशत पेट्रोल हुन्छ । यो इन्धनलाई
बायोएथनोल भनिन्छ । 

यसबाट वातावरणलाई कुनै हानि पुग्दैन ।

एजेन्सी