काठमाडौं — जोर्डनमा सोमवार एक समाचार वेबसाइटको प्रकाशक र सम्पादकलाई पक्राउ गरिएको छ । 

जिसस क्राइस्टको विवादित तस्वीर प्रकाशन गरेको आरोपमा उनीहरूलाई पक्राउ गरिएको हो । क्राइस्टको अन्तिम भोज चित्रलाई परिवर्तन गरेर प्रकाशन गरिएपछि सामाजिक सञ्जालमा निकै विवाद भएको थियो । 

अल वकील समाचार वेबसाइट सञ्चालन गर्ने मोहम्मद अल वकील र एक सम्पादकमाथि धार्मिक विवाद भड्काउन खोजेको आरोप छ । यो आरोपमा उनीहरू दोषी ठहर भएमा ६ महिनादेखि तीन वर्षसम्मको कारावास सजाय हुनेछ । 

लियोनार्दो दा भिन्चीको सुप्रसिद्ध चित्र द लास्ट सपरको पृष्ठभूमिमा टर्कीका प्रसिद्ध शेफ नुसरत गोकर्सलाई जिससको पछाडि उभ्याइएको देखिने गरी चित्रलाई बिगारिएको थियो । अनि तस्वीरमा भएका क्राइस्टका शिष्यहरूमध्ये एकको गोडामा क्राइस्टको ट्याटू पनि बनाइएको छ । 

पत्रिकामा प्रकाशित यो तस्वीर सामाजिक सञ्जालमा भाइरल भयो र यसको कडा आलोचना गरियो । विवादपछि पत्रिकाले तस्वीर हटायो र यो जानीजानी नगरिएको गल्ती भएको र कसैको पनि धार्मिक भावनालाई चोट पु–याउने उद्देश्य
नरहेको बतायो । 

एजेन्सी