काठमाडौं – नेपालको पेटीभी इन्डस्ट्रीमा नेतृत्वदायी भूमिका निर्वाह गरिरहेको डिश मिडिया नेटवर्क लिमिटेडको ९ औं वार्षिक साधारणसभा हेमराज ढकालको अध्यक्षतामा पुस २६ गते सम्पन्न भएको छ ।

साधारण सभाले आगामी आर्थिक वर्षमा आईपीओ जारी गर्ने निर्णय गरेको छ । कम्पनीले आफ्नो कूल जारी पुँजीको न्यूनतम १० प्रतिशत सेयर सर्वसाधारणको लागि जारी गर्ने भएको छ ।

साधारण सभाले यसअघिकै सञ्चालक समितिलाई आगामी ४ वर्षका लागि निरन्तरता दिने निर्णय गरेको छ । सञ्चालक समितिको अध्यक्षमा हेमराज ढकाल चयन भएका छन् ।

नेपालमा रहेका ग्राहकमाझ गुणस्तरीय सेवा प्रदान गर्दै आएको डिशहोम सर्वसाधारणका लागि शेयर जारी गर्ने पहिलो पेटीभी कम्पनी हुने भएको छ । 

स्याटेलाइट प्रविधिमा आधारित नेपालको एक मात्र डीटीएच सेवा प्रदायक डिशहोमले शहर बजारदेखि ग्रामीण भेगमा बस्ने नेपालीलाई आफ्नो रोजाई अनुसारको एचडी तथा एसडी प्याकेज प्रदान गर्दै आइरहेको छ । 

डिशहोम नेपालको भौगोलिक बनावटमा उपयुक्त रहेको र जुनसुकै ठाउँमा पनि सहजै जडान गर्न सकिने भएकाले ग्राहकको पहिलो रोजाई बन्न सफल भएको छ ।