काठमाडौं – खानेपानीमन्त्री बीना मगर अस्वस्थ भएपछि अस्पताल भर्ना भएकी छन् ।

भाइरल ज्वरोका कारण स्वास्थ्यमा समस्या आएपछि उनी सोमबार साँझदेखि ललितपुरस्थित सुमेरु अस्पताल भर्ना भएको उनका स्वकीय सचिव विजयदेव भट्टराईले जानकारी दिए ।

मन्त्री मगरको चिकित्सकको विशेष निगरानीमा उपचार भइरहेको अस्पतालले जनाएको छ । उनको स्वास्थ्य अवस्था सुधारोन्मुख छ ।

उनकी सासू एवं नेकपा अध्यक्ष पुष्पकमल दाहाल 'प्रचण्ड'पत्नी सीता दाहाल पनि सोही अस्पतालमा उपचाररत छिन् ।