काठमाडौं– प्रतिनिधि सभाको बैठकमा सोमवार चारजना मन्त्रीसँग सांसदहरुले प्रश्न गर्ने भएका छन् ।

दिउँसो १ बजे बस्ने बैठकमा रक्षा, शिक्षा तथा विज्ञान प्रविधि, उर्जा तथा सिंचाइ र भौतिक पूर्वाधार एवं यातायात मन्त्रीसँग सांसदहरूले प्रश्न सोध्नेछन् । मन्त्रीहरूसँग सांसदले मौखिक प्रश्न सोध्ने र मन्त्रीले जवाफ दिने कार्यक्रम तय गरिएको संसद सचिवालयले जनाएको छ ।

प्रतिनिधि सभाको आजको बैठकमा लेखा परीक्षण विधेयक पारित गर्ने कार्यसूची छ ।