कात्तिक १५, २०८०
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
साउन २, २०७६
धनगढी- गत वैशाख ९ गते भूमि व्यवस्था, सहकारी तथा गरिबी निवारण मन्त्रालयले धनगढीमा भव्य भोजभतेर गरेर आव २०७५/७६ भित्रै मुक्तकमैया पुनर्स्थापना सम्पन्न गर्ने ढोल पिट्यो । मन्त्री पदमा कुमारी अर्यालले बाहुबलका साथ चालू आर्थिक वर्षभित्रै मुक्तकमैया र मुक्तहलिया पुनर्स्थापना गर्ने अड्डी कसिन् । तर मन्त्री अर्यालको सो भनाई आर्थिक वर्ष सकिएसँगै मिथ्या सावित भयो ।
बिहीवार मुक्त कमैयाहरूले कैलालीसहितका जिल्लामा विभिन्न कार्यक्रम गरी १९ औं मुक्ति दिवस मनाए । पुनर्स्थापना भएका र पुनर्स्थापना हुन बाँकी मुक्तकमैयाहरूले एकै थलोमा एक आपसमा सुख, दुःख सटासाट गरे । विगत सम्झे । सरकारी रवैयाप्रति तिक्तता पोखे ।
सुदूरपश्चिम प्रदेशको भूमि व्यवस्था कृषि तथा सहकारी मन्त्री बिनिता चौधरीको प्रमुख अतिथ्यमा भएको मुक्ति दिवस कार्यक्रममा अधिवक्ता जोहारीलाल चौधरीद्वारा प्रस्तुत सरकारी तथा गैरसरकारी संघ संस्थाको तथ्यांक अनुसार हालसम्म ६ सय ४७ जना मुक्तकमैया पुनर्स्थापना हुन बाँकी देखिएका छन् ।
कैलाली जिल्लामा मात्रै ३ सय ८० जनालाई पुनर्स्थापना गर्न बाँकी देखिएको हो । ८ हजार ९ सय १० मुक्तकमैया रहेकोमा ८ हजार ५ सय ३० जना पुनर्स्थापना भइसकेका छन् । १ हजार जनालाई सट्टा भर्ना गर्न बाँकी रहेको र ३ हजार जना छुट मुक्तकमैया रहेको जनाइएको छ ।
७ सय ५ जना मुक्तकमैया रहेको दाङ जिल्लास्थित ६ सय ५५ जना पुनर्स्थापना भइसकेका छन् भने ५० जनालाई पुनर्स्थापना गर्न बाँकी देखिएको छ । बाँके जिल्लामा १ हजार ९ सय २१ जना मुक्तकमैया रहेकोमा १ सय ५० जनालाई अझै पुनर्स्थापना गर्न बाँकी रहेको छ ।
बर्दियामा ११ हजार ५ सय ५१ जना मुक्तकमैया रहेकोमा ५० जनालाई पुनर्स्थापना गर्न बाँकी रहेको छ भने ४ हजार ४ सय १८ जना मुक्तकमैया रहेको कञ्चनपुर जिल्लामा अझै १७ जनालाई गरी हालसम्म ६ सय ४७ जनालाई पुनर्स्थापना गर्न बाँकी रहेको सो कार्यपत्रमा उल्लेख छ ।
सरकारले मुक्तकमैया पुनर्स्थापना कार्यक्रम अन्तरगत जग्गा खरिद अनुदानबापत प्रति कमैया २ लाख, काठ खरिद बापत १ लाख र घर निर्माण बापत ५५ हजार रुपैया दिदै आएको छ ।
हालसम्म ४ हजार ७ सय ५० जना मुक्तकमैयाले घर निर्माण बापतको अनुदान रकम पाउन बाँकी देखिएको छ । कैलालीमा १ हजार २ सय ७९ जना, कञ्चनपुरमा ५ सय ९४ जना र बर्दियामा २ हजार ८ सय ७७ जना मुक्तकमैयाले घर निर्माण बापतको अनुदान लिन बाँकी देखिएको छ ।
पुस्तौंदेखि बाँधुवा मजदुरसरह जीवन बिताउदै आएका दाङ, बाँके, बर्दिया, कैलाली र कञ्चनपुर जिल्लास्थित हजारौं–हजार मुक्तकमैयाहरूलाई राज्यले आजकै दिेन मुक्त घोषणा गरेको थियो । तत्कालीन प्रधानमन्त्री शेरबहादुर देउवाको २०५७ सालको प्रधानमन्त्री कालमा भूमिसुधार तथा व्यवस्था मन्त्री सिद्धराज ओझाले साउन २ गते प्रतिनिधि सभामा एक वक्तव्य जारी गर्दै मुक्तिको घोषणा गरेका हुन् ।
‘पुनर्स्थापनाको आशैमा मरिने भो!'
मुक्त भएको १९ औं वर्षगाँठ मनाइरहँदा समेत पुनर्स्थापना नभएका मुक्तकमैयाहरूले राज्यले आफूलाई वेवास्ता गरेको दुखेसो सुनाएका छन् । धनगढी उपमहानगरपालिका–१७ धुरझन्नाका ७६ वर्षिय प्रकाश चौधरीले पुनर्स्थापनाको आशमा १३ वर्षदेखि स्थानीय सामुदायिक वनको जग्गामा झुपडी बनाएर बस्दै आएको बताए ।
धनगढी बोराडाँडीका जमिनदार लक्ष्मीराज पन्तको घरसहित गरी १९ वर्ष कमैया बसेको बताउने उनी सरकारी पुनर्स्थापना गर्न ढिलाइ भएकाले विभिन्न सेवा सुविधाबाट वञ्चित हुँदै आएको पीडा पोखे । उनले अगाडी भने, ‘आधा जवानी जमिन्दारको घरमा बित्यो । आधा जीवन पुनर्स्थापनाको आशैमा बित्दैछ । आशै–आशमा मरिने भो ।’
धनगढी उपमहानगरपालिका–१ वसन्त टोलकी मुक्तकमैया लक्ष्मी चौधरीले हालसम्म परिचयपत्रसहित पुनर्स्थापना नगरिँदा बास, गाँस र कपासमा समस्या भएको दुखेसो सुनाइन् । एकल महिला समेत रहेकी लक्ष्मीले छिटो भन्दा छिटो आफूहरूको व्यवस्थापन गरिदिन माग गरिन् ।
पढ्नुहोस् यो पनि -
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...