भदौ २४, २०८०
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
विश्व कोरोनाभाइरस (कोभिड– १९) को संक्रमणले थलिएको समयमा नेपालमा भने पुरानो व्याधि बल्झिएको छ– भ्रष्टाचारको महामारी । आममानिस जीवनरक्षाका लागि सरकारको निर्देशन पालना गरेर घरमै बसिरहेको समयमा देशमा भ्रष्टाचारको आगो यसरी पुत्ताएको छ । भ्रष्टाचारको धुवाँले नेपालमा कोरोना भाइरसको सन्त्रासलाई छायाँमा पारिदिएको छ । घरमै बसे पनि सामाजिक सञ्जालमार्फत स्वास्थ्य उपकरणमा भएको अनियमितता र बदमासीबारे जनताले खबरदारी गरिरहेका छन् ।
संसारले विश्वयुद्धकै जस्तो कहालीलाग्दो अत्यास बेहोरी रहेको छ । आफ्नो गच्छेअनुसार मानिसहरू अरूको जीवन बचाउन भएको सम्पत्ति दान गरिरहेका छन् । कोरोनाले विश्व समुदायलाई अत्याएको समयमा सरकारमा रहेका केही लोभीपापी व्यक्ति र सरकारको नेतृत्वसँग पहुँच स्थापित गरेका केही अवसरवादीहरूले यसैलाई कमाउने दाउ बनाएका छन् । जनताको जीवन र स्वास्थ्यमा खेलबाड गरेर मौकामा चौका हान्न अवसरवादीहरू पल्केका छन् । यो देखिएको अनियमितता हो, संकटको मौकामा अन्यत्र पनि यस्तै बदमासी भएको हुनसक्छ ।
स्वास्थ्य सामग्री खरिद प्रक्रियामा अनियमितता भएको र बदनियत देखिएको समाचार प्रकाशित भएपछि एकाथरि तप्काले समाचार लेख्ने मिडिया सरकारप्रति पूर्वाग्रही बनेको आरोप लगायो । स्वास्थ्य सामग्री खरिद प्रक्रियामा भएको अनियमितताको विषय भुसको आगोजस्तै सल्केपछि अपारदर्शी ढंगले शुरू गरिएको प्रक्रिया रद्द गरियो । स्वास्थ्य उपकरण खरिद जस्तो विषयमा भएको यति ठूलो बदमासी छिपाउन दोष अरूलाई लगाएर आफू पानीमाथिको ओभानो बन्ने यत्न भइरहेको छ । तर यो बदमासी लुकाउन गरेको पर्यत्नलाई जनताले पत्याएका छैनन् ।
कोरोना रोकथामका लागि चीनबाट गरिएको स्वास्थ्य सामग्री खरिदमा भएको अनियमितता सचेत, विवेकशील र न्यायप्रेमी नेपालीले बिर्सन नसकिने काण्डको रूपमा दर्ज भएको छ । औषधि खरिदमा भ्रष्टाचार भएको भन्दै अख्तियार दुरूपयोग अनुसन्धान आयोगमा छुट्टाछुट्टै उजुरी परेका छन् । यति ठूलो अनियमितता र घोटालामा भ्रष्टाचार निवारणसम्बन्धी संवैधानिक आयोग अख्तियारले छानबिन शुरू गर्ला, संसद्को सार्वजनिक लेखा समितिले केलाउला र आवश्यक परे संसद्ले विशेष छानबिन समिति नै गठन गरेर पनि बदमासी बाहिर आउने नै छ । सुडान घोटाला, वाइड बडी घोटाला जस्ता ठूला भ्रष्टाचार काण्डको पर्दाफास संसदीय समितिले नै गरेका हुन् ।
स्वास्थ्य सामग्री खरिद प्रक्रियामा भएको बदमासीले नेपाल कम्युनिस्ट पार्टीको नेतृत्वको सरकारको साख गिरेको छ, स्वयं नेकपा पार्टी पनि बदनाम भएको छ । पारदर्शिता र सुशासनको डिङ हाँक्ने नैतिक धरातल सरकारमा बस्नेहरूले गुमाएका छन् । जनताको जीवनसँग जोडिएको स्वास्थ्य सामग्री खरिद प्रक्रियामा र्याल चुहाउनेहरूले सुशासनको कुरा गर्नु महजोडीको प्रहशन जस्तै हुनेछ । स्वास्थ्य उपकरण खरिदमा भएको भ्रष्टाचारपछि दाताहरूले नेपाललाई सहयोग दिने बेलामा निदार खुम्च्याउने छन् ।
स्वास्थ्य सामग्री खरिद प्रकरणमा भएको अनियमितताबारे स्वयं नेकपाका नेताहरूले नै छानबिन र दोषीमाथि कारवाहीको माग गरेका छन् । विरोधका स्वर दबाउन होइन सत्यतथ्य पत्ता लगाउने खालको जाँचबुझ आयोग गठन गरेर दोषीमाथि कारवाही नगरेसम्म जनआक्रोश मत्थर हुने छैन । विपत्तिको समयमा जनताको जीवनसँग सरोकार राख्ने स्वास्थ्य सामग्री खरिदमा संलग्न दोषीहरूले उन्मुक्ति पाए भने यो दण्डहीनता र भ्रष्टाचारले बनमारा झारले जस्तै देश सखाप पार्नेछ । यो अपराधमा संलग्नले दण्ड पाएनन् भने प्रधानमन्त्री केपी शर्मा ओलीले बनाएको समृद्ध नेपाल र सुशासनको नारा केबल हाँसीमजाक बन्नेछ ।
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्मा ठूला भनिएका दलका शीर्ष न...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...