साउन १, २०८०
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
हेर्दाहेर्दै नेपालमा कोरोना संक्रमितको संख्या एक लाखबाट उकालो लागेको छ । शनिवार साँझसम्मको तथ्यांकअनुसार संक्रमितको संख्या १ लाख ५ हजार ६ सय ८४ पुगेको छ ।
सक्रिय संक्रमितको संख्या ३० हजार ८ सय १८ पुगेको छ । शनिवार एकैदिन अहिलेसम्मकै धेरै संक्रमित भेटिए । परीक्षणको दायरा बढाउँदा यो संख्या झनै बढ्ने निश्चित छ ।
एक अर्बभन्दा बढी जनसंख्या भएको चीनमा संक्रमितको संख्या ८५ हजार रहँदा ३ करोड हाराहारीमा जनसंख्या रहेको नेपालमा संक्रमितको संख्या एक लाखबाट उकालो लागेको अवस्था भयावह चित्र हो । नेपालमा कोरोना संक्रमण एकप्रकारले सरकारको नियन्त्रणबाहिर गइसकेको छ । शहरका प्रत्येक टोलमा कोरोनाका फिलिङ्गा छरिएका छन् । पर्याप्त सावधानी नअपनाउने हो भने आगामी दिनमा यसले थप संकट निम्त्याउने प्रस्ट छ ।
संक्रमण फैलिन नदिन सरकारले शुरूमा केही सावधानी अपनाएको थियो, तर सरकारको व्यवस्थापकीय अक्षमताका कारण कोरोना संक्रमण नियन्त्रण बाहिर गयो । शुरूमा सीमा नाका बन्द गर्न नसक्नु, क्वारेन्टाइन र आइसोलेसन सेन्टरहरूमा न्यूनतम पूर्वाधार नबनाउँदा संक्रमितहरू क्वारेन्टीनबाट भाग्ने र संक्रमण फैलाउने काम गरे ।
सरकार र नागरिक दुवैको कमजोरीका कारण कोरोना संक्रमण अहिले समुदायमा फैलिसकेको छ । पछिल्लो समय सार्वजनिक यातायात सुचारु गर्नु र पर्याप्त सुरक्षा सावधानी नअपनाउनुले संक्रमण भुसको आगो जस्तै फैलियो ।
सीमित परीक्षण गर्दा पनि राजधानीमा एकैदिन २५ सय संक्रमित फेला पर्नुमा सार्वजनिक यातायातमा देखिएको चरम लापरवाहीको कारण पनि हो । सडकमा गुडेका कुनै बसले सरकारले तोकेको मापदण्ड पूरा गरेका छैनन् ।
कोरोना संक्रमण फैलिन नदिन सरकारको व्यवस्थापन निकै फितलो छ, तर नागरिक स्तरमा पनि धेरै कमजोरी छन् । सरकारले बन्दाबन्दी (लकडाउन) खुलाउन प्रशासनिक रूपमा गरेको खुकुलोपनलाई आम नागरिकले कोरोना संक्रमण सकिएको रूपमा लिए । कोरोना महामारी बिर्सिएर होटल रेस्टुराँमा भेटघाट बाक्लिए । यस्ता घटनाले गर्दा पनि कोरोना संक्रमण फैलिने दर ह्वात्तै बढ्यो ।
सक्रिय संक्रमितको संख्या ३० हजार पुग्दा कोभिड अस्पताल भरिभराउ छन् । सर्वसाधारणले विना भनसुन अस्पतालमा बेड पाउने सम्भावना छैन । न्युन आर्थिक हैसियत भएका सर्वसाधारणले निजी अस्पतालमा उपचार गर्न सक्ने सामर्थ्य छँदै छैन । सीमित क्षमता भएका कारण पैसा भएर पनि अस्पतालमा बेड पाउने सम्भावना कम हुँदै गएको छ ।
महामारीको यस्तो भयावह अवस्थामा कोरोना संक्रमणबाट जोगिने एक मात्र उपाय भनेको सावधानी, सावधानी र सावधानी नै हो ।
कोरोना संक्रमणले नयाँ रेकर्ड कायम गरेको समयमा नेपालीहरूको महान चाड दशैं, तिहार र छटजस्ता पर्व आँगनमा आइसकेका छन् । सार्वजनिक यातायात निर्वाध चलिरहेका कारण चाडबाड मनाउन गाउँघर जाने र संक्रमणको बिउ गाउँ–गाउँमा पुग्ने सम्भावना ज्यादा छ । स्वास्थ्य मन्त्रालयले अनलाइनबाटै दशैंको आशीर्वाद लिन सर्वसाधारणसँग आग्रह गरिसकेको छ ।
सरकारको निर्णय अवज्ञा गर्ने, पहुँचको भरमा रवाफ देखाएर गाडी लिएर गाउँ जानेको लर्को लाग्न सक्छ । कोरोनाको संक्रमण गाउँमा फैलाउने र गाउँबाट कोरोनाको संक्रमण बोकेर फेरि शहर आउने खतरा व्याप्त छ । सरकारको आग्रहलाई बेवास्ता गरेर दशैंको समयमा सर्वसाधारणको आवतजावत निर्वाध भयो भने यो संक्रमण झनै फैलिने खतरा व्याप्त छ । यस्तो अवस्था आउन नदिन नागरिक स्तरबाट व्यक्तिगत रूपमा पहल गर्न जरुरी छ ।
अप्ठ्यारो समयमा नागरिकले कस्तो भूमिका निर्वाह गर्ने भन्ने सम्बन्धमा जापानको उदाहरण सदैव लिने गरिन्छ ।
सन् १०१२ मा जापानमा सुनामीका कारण फुकुसिमा आणविक भट्टीमा क्षति भएपछि सरकारले धेरै विद्युत् खपत गर्ने विद्युतीय उपकरण प्रयोग नगर्न आग्रह गर्यो । नागरिकले विलासी विद्युतीय उपकरण प्रयोग नै गरेनन्, विद्युत सप्लाइमा कुनै कमी भएन ।
सरकारको नियन्त्रण बाहिर गइसकेको कोरोना संक्रमण नियन्त्रणमा आम नागरिकले अनुशासित जापानी नागरिकबाट केही सिक्ने कि ?
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्मा ठूला भनिएका दलका शीर्ष न...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) स्थापनाको सात वर्ष पूरा गरेर आजदेखि आठौं वर्षमा प्रवेश गरेको छ । यस अवसरमा सबैभन्दा पहिला हामी हाम्रा समस्त पाठक, विज्ञापनदाता र शुभेच्छुकहरूप्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...