फागुन ३, २०८०
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
मंसिर १०, २०७७
सत्तारूढ दल नेपाल कम्युनिस्ट पार्टी (नेकपा)भित्र पछिल्लो समय देखिएको विवाद हल हुने छाँटकाँट देखिएको छैन । पार्टीलाई खण्डीकरण हुन नदिने दोस्रो पुस्ताका नेताहरूको सक्रियताका बावजुद विवाद समाधानका बिन्दुहरू अहिलेसम्म पहिल्याइएको छैन ।
नेकपाका दोस्रो पुस्ताका नेताहरू महासचिव विष्णु पौडेलसहित टोपबहादुर रायमाझी, हरिबोल गजुरेल, देवेन्द्र पौडेल र जनार्दन शर्मा, शंकर पोखरेल, सुवासचन्द्र नेम्वाङ लगायतका नेताहरू निरन्तर भेटघाटमा व्यस्त छन् ।
अध्यक्ष पुष्पकमल दाहाल 'प्रचण्ड' र वरिष्ठ नेता माधवकुमार नेपाल पक्षले गत भदौ २६ गते बसेको स्थायी कमिटी बैठकका निर्णय कार्यान्वयन गर्न प्रधानमन्त्रीसमेत रहेका अध्यक्ष केपी शर्मा ओली तयार नभएकाले समस्या बल्झिएको आरोप लगाएको छ ।
केही साताअघि प्रचण्डले सचिवालय बैठकमा प्रधानमन्त्रीसमेत रहेका अध्यक्ष ओलीमाथि दर्जन बढी आरोपसहित राजनीतिक प्रस्ताव पेश गरेका थिए । त्यसको काउन्टरमा ओलीले सचिवालयमै प्रस्ताव पेश गर्ने बताइसकेका छन् ।
दुवै प्रस्तावमाथि छलफल भएपछि मात्र नेकपा कसरी अघि बढ्ने स्पष्ट चित्र सामुन्नेमा आउने स्थायी कमिटी सदस्य टो१पबहादुर रायमाझी बताउँछन् ।
लोकान्तरसँग कुरा गर्दै रायमाझीले प्रचण्डको प्रस्ताव फिर्ता नहुने, बरू ओलीको प्रस्ताव आएपछि दुवैमा छलफल भएर नयाँ निष्कर्षका साथ पार्टी अघि बढ्ने विश्वास गरे ।
प्रस्तुत छ रायमाझीले राखेको भनाइको सम्पादित अंश -
तपाईंहरूले देख्नुभएकै छ, नेकपाको विवाद सडकमै आइसकेको छ । पार्टीका अध्यक्ष पुष्पकमल दाहाल 'प्रचण्ड'ले सचिवालय बैठकमा राख्नुभएको प्रस्ताव अब फिर्ता गरेर पनि कुनै अर्थ छैन ।
सबै नेता कार्यकर्ता र आम जनतासमक्ष त्यो पुगिसक्यो । उहाँले छलफलकै लागि प्रस्ताव पेश गर्नुभएको हो र त्यसमा छलफल त हुन्छ नै । त्यो फिर्ता लिने कुरा पनि भएन ।
केही पहिला प्रधानमन्त्रीसमेत रहनुभएका अर्का अध्यक्ष केपी शर्मा ओलीले प्रस्ताव फिर्ता लिनुपर्ने राय राख्नुभएको थियो । तर त्यो च्याप्टर अहिले क्लोज भइसक्यो ।
प्रधानमन्त्री ओलीको प्रस्ताव पनि अब बस्ने सचिवालयमा पेश हुन्छ । त्यसमा छलफल हुन्छ र त्यो आम जनताका लागि बाहिर पनि पक्कै ल्याइनेछ । दुवै प्रस्तावमा छलफल भएपछि मात्र नेकपाले एउटा बाटो लिन्छ ।
हाम्रो भनाइ के हो भने दुवै प्रस्तावमाथि छलफल भएपछि त्यसबाट एउटा चित्र आउँछ ।
त्यसपछि मात्र पार्टी कता जान्छ भन्ने थाहा हुन्छ । कुनै पनि पार्टीभित्र आलोचना, बहस, विरोध निरन्तर चलिरहन्छ र चलिरहनु पनि पर्छ । यसमा आत्तिनुपर्ने र मात्तिनुपर्ने कुनै कारण देख्दिन म ।
पार्टी कमिटी बैठकमा प्रस्तावहरू पेश हुने कुरालाई नेचुरल लिनुपर्छ, तर ती प्रस्तावहरूमा छलफल गरेपछि एउटा सकारात्मक निष्कर्ष निकाल्ने पार्टीको हैसियत हुनुपर्छ ।
शीर्ष नेताहरूले पार्टीलाई एकजुट राख्न त्यस्तो निष्कर्ष निकालेपछि पार्टीको विवाद समाधान हुन्छ ।
यतिबेला नेकपाको विवाद नेताहरूबीच मात्र छैन । कार्यकर्ता, शुभचिन्तक र आम जनतामाझ पुगिसकेको छ ।
कमिटीमा पेश भएका डकुमेन्टहरू सबैले चासोका साथ हेरिरहेको अवस्था छ । प्रस्तावहरूले नै पार्टीलाई ल्यान्डिङ गराउने हो । पार्टी अब नयाँ हिसाबले एकताबद्ध हुनुपर्ने अवस्था आएको छ ।
यदि नेताहरूले सचिवालयमा पेश भएको डकुमेन्टमाथि छलफल गरेर निष्कर्ष निकाल्न सकेनन् भने नेताहरू आफैंले आफैंलाई असफल भएको घोषणा गर्नुपर्छ । पार्टीमा पनि सत्ता पक्ष र प्रतिपक्षी जस्तो माहोल बनिरहेको छ र द्वन्द्व चलिरहेको छ । द्वन्द्वले आवश्यक निकास त खोज्छ नै ।
सम्पूर्ण देशभक्त, देशको समृद्धि चाहने, आम शुभचिन्तक र पार्टी समर्थकहरूको एउटै चाहना अहिले नेकपा विभाजन नहोस् भन्ने छ । जसरी हामी विवादको भुमरीमा फसेका छौं, यसले निश्चय नै राम्रो सन्देश गइरहेको छैन ।
पार्टीको तल्लो तहसम्म विवादका बाछिटाहरू छिटफुट रूपमा पुग्न थालेका छन् । अस्ति चितवनमा त्यो देखियो । यदाकदा अन्त पनि कुनै न कुनै रूपमा असन्तुष्टिहरू देखिएका छन् ।
जे जति कारणले पार्टीभित्र विवाद भएको भएपनि यसअघि हामीले नै सेफ ल्यान्डिङ गराएका हौँ । पछिल्लो विवाद पनि हामीले हल गर्नुपर्छ र गर्ने प्रयासमा छौं ।
गत भदौ २६ गते बसेको स्थायी कमिटी बैठकको निर्णय धेरै महत्त्वपूर्ण थियो । त्यसलाई कार्यान्वयन गरेर अघि बढेको भए पछिल्लो विवाद सिर्जनै हुने थिएन । पार्टी एउटा कोर्समा अघि बढिसकेको हुन्थ्यो ।
त्यसलाई कार्यान्वयन गर्ने क्रममा प्रधानमन्त्री ओलीको केही कमजोरी रहेको देखिन्छ । यो कुरा हामीले प्रस्ट रूपमा उहाँलाई भनिसकेका छौं ।
यतिबेला हामी समन्वयकारी भूमिकामा छौं । दुवै पक्षका नेताहरूसँगको भेटघाट बाक्लिएको छ । दुवै पक्षतिर कुराकानी गर्दा पार्टी एकताकै पक्षमा मत झल्किएको छ । पार्टीलाई एकताबद्ध राख्ने हाम्रो प्रयास जारी छ ।
प्रधानमन्त्रीतिरका नेताहरूले पनि स्थायी कमिटी बैठकको निर्णय कार्यान्वयनमा केही कमजोरी भएको हो भनेर स्वीकार्नुभएको छ । सम्भवतः स्थायी कमिटी बैठककै निर्णयहरूका आधारमा नयाँ सहमति हुन्छ ।
अब त हामीले त्यसभन्दा अगाडि गएर सहमतिका बिन्दुहरू पहिल्याउनुपर्ने अवस्थामा आएका छौं ।
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
जनता समाजवादी पार्टी (जसपा) नेपालका अध्यक्ष उपेन्द्र यादवले पार्टी फुटाउनेहरू अरू कसैको स्वार्थको गोटी बनेको बताएका छन् । अमेरिका भ्रमण सकेर सोमबार फर्किएका यादवले देश र जनताको हितका लागि नभएर अरू कस...
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...