कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जेठ ११, २०७८
केही दिनअघि वन तथा वातावरणमन्त्री प्रेमबहादुर आलेले पशुपति आर्यघाटमा दाउराको कमी हुन नदिन निर्देशन दिँदा सामाजिक सञ्जालमा हंगामा भएको थियो । त्यतिखेर उनले नेपाल वन निगम लिमिटेडका महाप्रबन्धक धनञ्जय पौडेललाई पशुपतिस्थित आर्यघाट क्षेत्रमा शवदाहका लागि आवश्यक पर्ने दाउरा कमी हुन नदिन निर्देशन दिएका थिए ।
अक्सिजन नपाएर तड्पिरहेका बिरामीबारे चिन्ता गर्नु त कता हो कता मनोबल गिराउने गरी उल्टै दाउराको कमी हुन नदिन दिएको निर्देशनलाई धेरैले ‘कमनसेन्स नभएको’ मन्त्रीका रूपमा अर्थ्याएका थिए ।
बेलाबेलामा यस्तै अपरिपक्व शैलीका कारण उनी चर्चा र विवादमा आउने गरेका छन् ।
जस्तो कि –
– अब यो सरकारको गियर सिधै ७ नम्बरमा जान्छ । सिधै ७ नम्बरमा हालेपछि तपाईंहरू रोडमा नजानुहोला, तपाईंहरू सिधै समुद्रमा हाम्फाल्नुहोला ।’
– रुखबाट हामी कार्बनडाइअक्साइड पाउँछौं, जुन रुखलाई हामीले अक्सिजन दिन्छौं, त्यो रुखलाई हामीले जोगाउनुपर्छ ।
यस्तै अभिव्यक्तिले उनी विवादमा मुछिन्छन् । फेरि उनी अर्को विवादमा मुछिएका छन् ।
चीन सरकारले नेपाललाई दिएको अक्सिजन सिलिन्डर लगायतका स्वास्थ्य सामग्रीमा आफ्नो फोटो सहितको स्टिकर टाँसेपछि सामाजिक सञ्जालमा उनको मजाक उडाइएको छ ।
गत वैशाख २१ गते चीनले नेपालमा हरियो रंगको २ हजार थान खाली अक्सिजनको सिलिन्डर पठाएको थियो ।
चीनले दिएको स्वास्थ्य सामग्री र अक्सिजन सिलिन्डरमा मन्त्री आलेले टाँसेको स्टिकरमा लेखिएको छ, ‘नेपाल सरकारका माननीय वन तथा वातावरण मन्त्री प्रेमबहादुर आलेज्यूको व्यक्तिगत सहयोगबाट प्राप्त स्वास्थ्य सामग्री ।’
डोटीबाट निर्वाचित रहेका आलेले आफ्नो निर्वाचन क्षेत्रमा स्टिकर टाँसिएका स्वास्थ्य सामग्री पठाएका छन् । ७५ अक्सिजन सिलिन्डर, डेढ लाख सर्जिकल मास्क, औषधिहरू, एन्टिजेन किट, स्यानिटाइजर लगायतका स्वास्थ्य सामग्री डोटी पठाइएका छन् ।
तर अक्सिजन सिलिन्डरमा आफ्नै फोटो टाँसेका वनमन्त्री प्रेम आलेले आफ्नै व्यक्तिगत खर्चमा सिलिन्डर ल्याएको दाबी गर्दै केही मिडियाले आफूलाई बदनाम गर्न खोजेको बताए ।
आलेले आफूले १५ वटा स्वास्थ्य विभागबाट प्राप्त गरेको र ११० वटा सिलिन्डर स्वयं खरिद गरेर दिएको बताएका छन् । ‘चीनबाट व्यक्तिगत खर्चमा सिलिन्डर मगाएर आपतका बेला सहयोग गर्नुपर्छ भन्ने लागेर सहयोग गरेको हुँ,’ उनले भने ।
उनले ७५ वटा सिलिन्डर डोटीलाई र ५० वटा धनगढीस्थित सेती प्रादेशिक अस्पताललाई दिएको बताए ।
अक्सिजन सिलिन्डरमा पनि किन फोटो सहितको स्टिकर टाँसेको भन्ने प्रश्नमा उनले भने, ‘अक्सिजन किन्न मैले ५० लाख खर्च गरेको छु । मेरो निजी पैसा हो । मेरो निर्वाचन क्षेत्रमा मास्क, स्यानिटाइजर, पीपीईको अभाव थियो । त्यो अभाव पूरा गरिदिए । अरु माननीयज्यूहरूले पनि यसै गर्नुभएको छ । जनतालाई भ्रम नहोस् भनेर मैलै स्टिकर टाँस्न लगाएको हो । आफ्नो निजी खर्चमा किनेको अक्सिजनमा आफ्नो स्टिकर टाँस्न नपाइने कुन संविधानमा लेख्या छ र ?’
आलेले थपे, ‘त्यो मेरो निजी सहयोग भयो तर कम्तीमा पनि डोटी जिल्ला हिजोको क्षेत्रीय सदरमुकाम भएको नाताले यहाँ ठूलो प्लान्ट लगाउनुपर्छ भनेर मैले अर्थमन्त्री, स्वास्थ्यमन्त्री र प्रधानमन्त्रीसँग समेत परामर्श गरेर १ करोड ५० लाख जतिको बजेट विनियोजन भएको छ, यो मैलै गरेको कामको प्रशंसा गर्नु पर्दैन र ?’
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...