भदौ २४, २०८०
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
कात्तिक ५, २०७८
निष्पक्ष र तटस्थ रहनुपर्ने न्यायालय अहिले चरम विवादको भूमरीमा फसेको छ, न्यायालयको नेतृत्व गर्ने व्यक्तिकै भूमिकाका कारण ।
आममानिसले न्यायालयबाट न्याय पाउने आशा मार्न थालिसकेका छन् । न्यायालयप्रति आमनागरिकको विश्वास यसपूर्व सायदै यति धेरै खस्केको थियो । न्यायालयको नेतृत्व गर्ने व्यक्ति नै हरेक ठाउँमा भागबण्डा खोज्दै हिँड्न थालेपछि न्यायालयप्रति आमजनताको भरोसा टुट्नु अस्वाभाविक होइन ।
पछिल्ला वर्षमा राज्यका अन्य अंगमा बाह्य हस्तक्षेपको प्रभाव परे पनि न्यायालय र सेनाले आफ्नो गरिमा कायम राखिरहेका थिए । अहिले आएर प्रधानन्यायाधीशले हरेक ठाउँमा ‘भागबण्डा’ खोजेको विषय आम सर्वसाधारणले समेत थाहा पाउन थाले । हुँदाहुँदा प्रधानन्यायाधीशले आफ्ना नातेदारलाई मन्त्री बनाउन दबाब दिने र नियुक्तिका लागि कोटा मागेपछि शक्ति पृथकीकरणको सिद्धान्त नराम्ररी खल्बलिन पुगेको छ ।
गत असोज २२ गते भएको मन्त्रिपरिषद् विस्तारमा प्रधानन्यायाधीश चोलेन्द्रशमशेर जबराका नाता पर्ने गजेन्द्र हमाल मन्त्री नियुक्त भए । व्यापक दबाबका कारण हमालले मन्त्री बनेको ७२ घण्टा नपुग्दै राजीनामा गर्नुपर्ने बाध्यात्मक स्थिति बन्यो ।
आफ्नै नेतृत्वको इजलासको परमादेशको आधारमा गठन भएको सरकारसँग मन्त्री पद माग्नु जस्तो अनैतिक, नाजायज र निच काम अरु के हुन सक्छ प्रधानन्यायाधीशज्यू ?
न्यायालय प्रवेशको विन्दुदेखि नै प्रधानन्यायाधीशको विगत विवादै–विवादले भरिएको छ । संसदीय सुनुवाइको क्रममा पनि जबराबारे धेरै प्रश्न उठेका हुन् । जबरा प्रधानन्यायाधीश भएर सर्वोच्चमा आएकै समयदेखि न्यायालयभित्र शुरू भएको गडबडी अहिले चरम उत्कर्षमा पुगेको छ । विवादास्पद फैसला, आदेश र गतिविधिका कारण प्रधानन्यायाधीश राणा गन्हाएका छन् । यतिसम्म कि राणाले सत्ता गठबन्धन दलका शीर्ष नेताहरूसँग भेटघाट गरेका समाचार आइरहँदासमेत त्यसको कतैबाट खण्डन भएन । उनी गन्हाएसँगै न्यायको अन्तिम आस्थाको पवित्रस्थल सर्वोच्च अदालतप्रति नागरिकको सम्मान धर्मराउन पुगेको छ ।
प्रधानन्यायाधीशको भूमिकाप्रति सर्वोच्च अदालतभित्रकै न्यायाधीशहरू असन्तुष्ट रहेको बेलाबखत समाचार आइरहन्छन् । सर्वोच्चका न्यायाधीशहरूको विरोधकै कारण प्रधानन्यायाधीशले आफैंले गठन गरेको इजलास पटक–पटक हेरफेर गर्नुपरेको थियो ।
प्रधानन्यायाधीशको भूमिकालाई लिएर पूर्व न्यायाधीश फोरमले शुक्रवार सार्वजनिक गरेको धारणापछि जबरामाथि न्यायालयको नेतृत्व छाड्न झनै दबाब बढेको छ ।
न्यायालयभित्र र बाहिर एक्लिएका प्रधानन्यायाधीश राणासामु अब राजीनामा गर्नुको विकल्प छैन । अन्यथा पूर्व न्यायाधीश फोरमले सुझाव दिएजस्तै बल प्रतिनिधि सभाको कोर्टमा पुग्नसक्छ । आफ्नो बारेमा यतिधेरै विवाद उठेपछि अलग्गिनु नै प्रधानन्यायाधीशका लागि उपयुक्त कदम हुनेछ । प्रधानन्यायाधीश राणा जति न्यायालयको नेतृत्वमा रहन्छन्, त्यति त्यो संस्थाको गरिमा खस्कने निश्चित भइसकेकाले उनले ढिला नगरी राजीनामा गर्नुपर्छ । होइन भने संसदले राणामाथि महाअभियोगको डण्डा बर्साउन अग्रसर हुनुपर्छ ।
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्मा ठूला भनिएका दलका शीर्ष न...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...