कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
कात्तिक २३, २०७८
कैलालीमा मदिरामा मात्तिएका नेपाली सेनाका मेजर रातिको समयमा अर्कै होटलको पछाडिबाट पसेपछि बबण्डर मच्चिएको छ ।
विवाद बढेर लम्कीचुहा नगरपालिका–३ गोराङ्गेस्थित सुदूरपश्चिम पृतना तालिम शिक्षालयका सेनानी (मेजर) अशोकजंग शाही चढेको गाडी र इलाका प्रहरी कार्यालय तोडफोड भएको हो । स्थानीयलाई गालीगलौज गरेका शाहीमाथि ढुंगामुढा प्रहार भएको छ ।
जिल्ला प्रहरी कार्यालय कैलालीका प्रहरी उपरीक्षक (एसपी) विश्व अधिकारीका अनुसार घटना आइतवार राति करीब १० बजेतिरको हो । मदिराको नशामा लठ्ठिएका मेजर शाही शिक्षालयभन्दा १ किलोमिटर पूर्व चिसापानी बजारस्थित लुक्स होटलमा जान खोजेका थिए तर नशाले गर्दा मान्छेसम्म चिन्न नसक्ने अवस्थामा पुगेका मेजर शाही अर्कै होटल अर्थात संगम होटलमा पसे । होटल बन्द भइसकेको अवस्थामा उनी होटलको पछाडिबाट भित्र पसेका थिए ।
होटलभित्र संगम होटलका सञ्चालक हर्क रावल र उनका केही आफन्त बसेका थिए । होटल सञ्चालक रावलले भने, ‘उहाँ पछाडिबाट पस्नुभयो । एक्कासि गाली गर्न थाल्नुभयो । पछि मसँग बसेका धिरज शाही र लव शाहीले चिनिहाले र बाहिर निकाले । उनी थाना (ईलाका प्रहरी कार्यालय) तिर गए । होहल्ला भइसकेको रहेछ । स्थानीय समेत जम्मा भइसकेका थिए । मलाई मेरो परिवारले निस्कनै दिएनन् ।’
स्थानीयका अनुसार विवाद चर्किंदै गएपछि मेजर शाही शिक्षालयतिर गए । ड्युटीमा रहेका जवानसँग भएको एसएलआर राइफलसहित उनी पुनः विवाद भएको ठाउँ पुगे, स्थानीयतिर राइफल ताके ।
आक्रोशित स्थानीयले उनीसहित उनी चढेको बागमती प्रदेश ०१–००२६च ३४६१ नम्बरको गाडीमा ढुंगामुढा बर्साए । नजिकै रहेको ईलाका प्रहरी कार्यालयबाट तैनाथ प्रहरीले उनलाई आफ्नो कार्यालय लग्यो । मेजर शाहीलाई प्रहरीले संरक्षण गरेको भन्दै आक्रोशित स्थानीयले ईलाका प्रहरी कार्यालयको भवनमा समेत तोडफोड गरे । पछि उनलाई इलाका प्रहरी कार्यालय लम्कीमा लगिएको प्रहरीले जनाएको छ । स्थानीयको कुटपिटबाट घाइते शाहीको टाउको १६ वटा टाँका लागेका प्रहरी उपरीक्षक अधिकारीले बताए ।
उनीमाथि थप कारवाहीको लागि नेपाली सेनालाई पत्राचार गरिएको बताइएको छ । घटना सार्वजनिक अपराध सम्बन्धी रहेको र घटनामा संलग्न नेपाली सेनाका मान्छे रहेका बताउँदै प्रहरी उपरीक्षक अधिकारीले जबरजस्तीकरणी, ज्यान मुद्दा र लागूऔषध बाहेकको मुद्दा आफूहरूले हेर्न नमिल्ने स्पष्ट पारे ।
घटना मिलापत्रमै टुंग्याइयो
मेजर शाहीको ज्यादती सहितको घटना मिलापत्रमै टुंग्याइएको छ । सोमवार इलाका प्रहरी कार्यालय लम्कीमा भएको छलफलपछि मेजर शाहीले आफू अर्कै होटल पस्न खोजेको तर अर्कै होटल पसेको भन्दै घटनाप्रति क्षमा मागेको बताइएको छ ।
तोडफोड भएको गाडी मेजर शाहीले आफैं बनाउने र ईलाका प्रहरी कार्यालय भवनमा भएको तोडफोडको जिम्मा स्थानीयले लिएर मर्मत गर्ने सहमति भएको बताइएको छ तर कसैमाथि मुद्दा नचलाइने भएको छ । हालसम्म कसैविरुद्ध उजुरी नपरेको जिल्ला प्रहरी कार्यालय कैलालीले जनाएको छ ।
घटनाबारे छानबिन गर्न सेनाले एक टोली कैलाली पठाएको छ । टोलीले घटनाबारे अनुसन्धान थालेको स्रोतले जनाएको छ ।
प्रहरी उपरीक्षक अधिकारीले भने, ‘उनी मान्छे चिन्न सक्ने अवस्थामा थिएनन् । उनको त्यो दिन ‘ब्याड डे’ थियो । हामीले घटना विवरण सेनालाई दिइसकेको छौं । सेनाले पनि अनुसन्धान गर्दैछ । मेजर शाहीलाई विभागीय कारबाही अनिवार्य हुने देखिन्छ ।’
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...