मंसिर १४, २०८०
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
काठमाडाैं | भदौ ९, २०८०
चोली मैलै भो
मैले तिमीलाई न‘भन्या मात्रै हो
मन पर्यो पहिल्यै हो
यो गीतलाई युट्युबमा हेरौं, – ‘लोभलाग्दो’ भ्युज पाएको छ । टिकटकमा खोजौं, – हजारौं भिडियो बनेका छन् । यही एउटा गीत काफी छ गायिका भूमिका गिरीलाई चिनाउन ।
गायक प्रकाश दूतराजसँग उनको चिनजान केही वर्ष पहिल्यै देखिको थियो । स्रोता–दर्शकलाई झैं भूमिकालाई पनि प्रकाशका सिर्जनाहरू ‘एक्स्ट्रा’ लागेका थिए ।
प्रकाशसँग सांगीतिक सहकार्य गर्ने सोच बनाइन् भूमिकाले । र, गीत बनाउन आग्रह गरिन् ।
प्रकाशले भने, ‘ल दिदी तपाईंलाई ‘इम्याजिङ’ गरेर गीत बनाउँछु । हजुरलाई सुनाएपछि राम्रो लाग्यो भने काम गरौंला ।’
महिनादिन बित्यो । दुई–तीन महिना बित्यो, तर गीत बन्यो भन्ने खबर आएन ।
‘पाँच–६ महिनापछि बल्ल भाइले गीत पठायो । शुरूमा सुन्दा ठीकैमात्र लागेको थियो । दोहोर्याएर सुनें, फेरि पटक–पटक सुनें,’ भूमिका सम्झन्छिन् ‘विस्तारै गीतसँग दिल बस्यो । मन पर्दै गयो ।’
कोरोना भाइरस महामारीको समयमा बनेको गीतमा प्रकाश र भूमिकाले स्वर दिए । भिडियोमा उनीहरू नै प्रस्तुत भए । तयार भयो गीत । युट्युबमा सार्वजनिक गरियो । गीतलाई अग्रजदेखि अनुजसम्मले प्रशंसा गरे ।
भूमिकाका अनुसार यस गीतले एकैपटक पिकअप लिएको चाहिँ होइन । ‘सुरुमा ल्याउँदा सुन्नेहरूले प्रशंसा गर्नुभयो । भ्युजका हिसाबले अलि स्लो नै थियो,’ उनले भनिन् ‘बीचमा स्कुले विद्यार्थीहरूले ड्रेसमा टिकटक बनाउन थालेपछि गीतले फेरि चर्चा पायो । अलि पछि फेरि लाइभ दोहोरीबाट चर्चामा आयो ।’
भूमिकाले धेरै गीतमा स्वर दिइन् । धेरै गीत रुचाइए । यद्यपि, ‘चोली मैलै भो’ आफ्नो करिअरकै सबैभन्दा प्रिय गीत भएको उनी बताउँछिन् । अगाडि भन्छिन्, ‘सबै गीतको माया लाग्छ । तर, ‘चोली मैलै भो’ मेरो लागि एउटा ऐतिहासिक काम लाग्छ । फेरि त्यो खालको काम गर्न सकिन्छ वा सकिन्नँ । त्यो खालको काम गरे पनि सोहीअनुसारको चर्चा पाउँछ/पाउँदैन भन्ने हुन्छ ।’
०००
दाङको देउखुरीमा सामान्य परिवारमा जन्मिएकी भूमिका सानैदेखि पूजाआजा, सांगीतिक कार्यक्रममा गुनगुनाउँथिन् । त्यतिबेला गायन प्रतियोगितामा पुगेर निराश भएर फर्किएको अनुभव उनीसँग सायदै होला ।
बीमाकुमारी दुरा, लक्ष्मी न्यौपाने, शर्मिला गुरुङ, देवी घर्ती आदिका गीतहरू औधी सुन्थिन् उनी । उनीहरूजस्तै गायिका बन्न पाए हुन्थ्यो भन्ने लाग्थ्यो उनलाई ।
घरकी जेठी छोरी भएकाले परिवारका समस्याहरू भूमिकाले नजिकबाट नियालेकी थिइन् । बुबाआमाले गरेको दुःख देखेकी थिइन्, त्यसलाई बुझेकी पनि थिइन् । परिवारका लागि केही गर्नुपर्छ भन्ने जिम्मेवारी पनि उनमा थियो ।
एसएलसी दिएपछि उनी गायिका बन्ने सपना देखेर काठमाडौं आइन् । राति १२/१ बजेसम्म दोहोरी साँझमा गाउने, बिहान कलेज जानुपर्ने । उनका संघर्षका सुरुवाती दिन कम्ता गाह्रो थिएनन् ।
रहर थियो, गीत रेकर्ड गराउने । तर, त्यसका लागि भूमिकाले वर्षौ कुर्नुपर्यो ।
दोहोरी साँझमा गाउन थालेको पाँच वर्षपछि बल्ल पहिलो गीत ल्याइन् । त्यो रोइला गीत थियो ।
शिव हमालको शब्द एवं संगीत, भूमिकाको स्वरमा रहेको ‘लौका चाख्ने मौका देऊ’ गीतले गण्डकी र धौलागिरि क्षेत्रतिर राम्रै चर्चा पायो ।
दोस्रो गीत गायक रामजी खाँणसँग ल्याइन् । बोल थियो, तिउन मिठो बनायो चुकैले ।
‘यो गीत एकदमै रुचाइयो । यसलाई मेरो करिअरको टर्निङ प्वाइन्ट मान्छु,’ भूमिका भन्छिन् । यसपछि देश–विदेशका कार्यक्रमका लागि माग भयो उनको ।
सुरुदेखि नै ‘सेलेक्टिभ’ काम गर्न रुचाउँथिन् उनी । त्यसैले संख्यात्मक हिसाबले उनका गीतहरू थोरै होलान्, तर अधिकांश गीतले स्रोता–दर्शकको माया पाएका छन् । ‘गोरखपुरको सलाई’, ‘तारासँगै जून’, ‘नसिसाउन कान्छु’, ‘देउरालीमा’ आदि भूमिकाका रुचाइएका गीतहरू हुन् ।
स्टेज कार्यक्रमका लागि २०/२२ देश पुगिसकेकी उनी आफू त्यहीँबाटै पालिएको बताउँछिन् । ‘अहिले धेरै गायक/गायिकाको आम्दानीको मुख्य स्रोत स्टेज नै हो,’ उनी भन्छिन् ‘राम्रो भ्युज गयो भने युट्युबबाट पनि राम्रै आम्दानी भइरहेको हुन्छ । यद्यपि, त्यसलाई म पेन्सनका रुपमा हेर्छु ।’
हरेक वर्ष तीजमा नयाँ गीत ल्याउने भूमिकाले यसपटक पनि ल्याएकी छिन् । एक महिनाअघि सार्वजनिक ‘उजेली जुनेली’ले १९ लाख प्लस भ्युज पाइसकेको छ ।
यसवर्षको तीजमा भारतको बैंग्लोर पुगेर त्यहाँ रहेका नेपाली दिदीबहिनीलाई यही गीतमा नचाउने सुरसारमा छिन् भूमिका ।
सांगीतिक क्षेत्रमा लागेको १३/१४ वर्ष बिताएकी उनी यो क्षेत्रमा पाएको उपलब्धिलाई लिएर खुशी र सन्तुष्ट रहेको बताउँछिन् । यद्यपि, सिकिरहने र राम्रो काम गरिरहने चाहना भने सधैँ रहिरहेको बताउँछिन् ।
उनको चाहना छ, ‘सधै सांगीतिक क्षेत्रमै रमिरहन पाऊँ ।’ भोलिको योजनाबारे भन्छिन्, ‘गीतसंगीतभन्दा बाहिर धेरै सपना छैनन् । गायनलाई निरन्तरता दिन पाउँ । अझ राम्रो काम गर्न पाउँ । अझ बढी स्रोता–दर्शकले बुझुन्, चिनून् भन्ने नै हो ।’
सेलिब्रेटीका अफेयरका कुराहरू सञ्चारमाध्यमका लागि सधै गसिप बनिरहेका हुन्छन् । भूमिकाले भने विवाहसम्मै आफ्नो प्रेम सम्बन्धलाई लुकाइरहिन् । उनले सल्यानका हिजन विष्टसँगको केही वर्षको प्रेमसम्बन्धलाई गतवर्ष विवाहमा परिणत गरिन् ।
उनीहरूबीच ७/८ वर्षअगाडिदेखि चिनजान शुरू भएको थियो । विवाहको कुरा भने ३ वर्ष अगाडिदेखि सुरु भएको भूमिका बताउँछिन् । उनी आफ्नो श्रीमानबारे भन्छिन्, ‘उहाँ मलाई बुझ्ने हुनुहुन्छ । हाम्रो क्षेत्रलाई कहिल्यै पनि जज गर्नुहुन्न । र, व्यावहारिक बढी लाग्छ ।’
हेर्नुहोस् भूमिकासँगको भिडियो कुराकानी :
तस्वीर/भिडियो: विश्वास खनाल/लोकान्तर
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
प्रकाश सपूत र सनिशा भट्टराईको अभिनयमा ‘फूलमाया कान्छी’ बोलको गीत सार्वजनिक भएको छ । सोमवार सार्वजनिक यो माया प्रेममा आधारित गीत हो । गीतमा योगेश काजी शाह र शान्तिश्री परियारको स्वर छ । यसमा कृष्ण...
युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । ‘हावा चिसो चिसो’, ‘पानी परेको...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...