माघ ९, २०८०
चक्रपथको दोस्रो खण्ड (कलंकी–महाराजगञ्ज धोबीखोला सडक) स्तरोन्नतिका लागि भनेर सडक भत्काउन थालेको करिब ५ वर्ष बित्यो, तर पनि मुख्य काम अझै शुरू हुन सकेको छैन । भत्किएको सडकका कारण स्थानीय र यात्रुले ...
काठमाडाैं | असोज १०, २०८०
पूर्व अरनिको यातायात प्रा.लि.ले झन्डै १० करोड रुपैयाँ खर्चेर जडीबुटीमा निर्माण गरिरहेको सुविधासम्पन्न बसपार्क सञ्चालनमा नआउँदै अन्योलमा परेको छ ।
काठमाडौं महानगरपालिकाले सञ्चालन गर्न नदिने भनेर अड्डी कसेपछि निर्माणको अन्तिम चरणमा पुगेको बसपार्क सञ्चालन हुने/नहुने अन्योल उत्पन्न भएको हो ।
महानगरपालिकाले यात्रु चढाउन तथा ओराल्न गोंगबुस्थित बसपार्कमै पुग्नुपर्ने नियम बनाएपछि पूर्व अरनिको यातायातले निजी जग्गा भाडामा लिएर आफ्नै लगानीमा बसपार्क बनाएको हो ।
करीब १४ रोपनी जग्गा ५ वर्षका लागि लिजमा लिएर बसपार्क निर्माण गरिएको छ ।
निर्माणका लागि काठमाडौं महानगरपालिका वडा नम्बर ३२ देखि जिप्रका काठमाडौं र महानगरपालिका सबै निकायसँग अनुमति लिइएको दाबी प्रालिको छ ।
'हामीले वडा कार्यालयदेखि जिप्रका, महानगरपालिका सबै निकायमा दर्ता प्रक्रिया अगाडि बढाएर नै काम गरेका हौं, पूर्व अरनिको यातायात प्रालिका उपाध्यक्ष सुरेन्द्र बस्नेतले लोकान्तरसँग भने ।
'वडा नम्बर ३२ सँग अनुमति लिएरै यो बसपार्क निर्माण कार्य अगाडि बढेको हो,' उनले थपे ।
काभ्रे, सिन्धुपाल्चोक, दोलखा, रामेछाप, सिन्धुली तथा बीपी राजमार्ग हुँदै पूर्वीपहाड एवं तराईका जिल्लाबाट आउने यात्रुहरूलाई गोंगबु पुर्याएर झार्दा सास्ती हुने भएकाले आफ्नै लगानीमा बसपार्क निर्माण गरिएको दाबी अरनिको यातायातको छ ।
काठमाडौं महानगरपालिकाले एउटै महानगरभित्र २ बसपार्क चाहिँदैन भन्ने तर्क गरिरहेको उनले बताए ।
'महानगरपालिकाका यातायात विज्ञले महानगरपालिकाभित्र एउटा मात्र बसपार्क भए पुग्छ भन्ने धारणा व्यक्त गर्नुभएको छ, उक्त बसपार्कले मात्र यात्रुको चाप थेग्न सक्दैन भन्ने हाम्रो ठम्याइ हो,' पूर्व अरनिको यातायात प्रालिका उपाध्यक्ष सुरेन्द्र बस्नेतले भने ।
बसपार्क भत्काउने भन्ने कुरा समेत सुनेको भन्दै उनले त्यसो गर्न खोजे आफूहरू महानगरविरुद्ध आन्दोलनमा उत्रिने बताए । 'महानगरपालिकाले यस बसपार्क भत्काउने भन्ने सुन्नमा आएकाले 'जडिबुटी बसपार्क बचाऊ अभियान' अन्तर्गत धर्ना कार्यक्रम शुरू गरेका छौं,' बस्नेतले भने, 'भोलिका दिनमा बसपार्क सञ्चालन गर्न नदिए हामी महानगरविरोधी अभियानमा होमिन्छौं ।'
महानगरपालिकाले अनुमति दिए दशैंअगाडि नै बसपार्क सञ्चालनमा ल्याउने तयारी रहेको उनको भनाइ छ ।
पूर्व अरनिको यातायात प्रालिले बसपार्कमा नि:शुल्क शौचालय, व्यवस्थित रेस्टुरेन्ट, यात्रु प्रतिक्षालय, टिकट काउन्टरदेखि आफ्ना व्यवसायी तथा यातायात कर्मचारीका बच्चाहरूका लागि नि:शुल्क स्कूल बस समेत सञ्चालन गरेको छ ।
'हाम्रा व्यवसायीका बालबच्चा पनि शिक्षित हुनुपर्छ भन्ने उद्देश्यका साथ पूर्व अरनिको प्रालिले ४ वटा बस किनेर तीनकुनेमा रहेको कौटिल्य स्कूलसँग एग्रिमेन्ट गरी मजदूरका बच्चा समेत ओसारपसार गर्छ,' चालक रामशरण खड्काले लोकान्तरसँग भने ।
४ वटा बसले संस्थामा कार्यरत कर्मचारीका २५० जना बच्चालाई नि: शुल्क सेवा दिने गरेको छ।
'प्राइभेट सेक्टरले आफ्नै लगानीमा यसरी बसपार्क निर्माण गरिदिँदा राज्यले सम्मान गर्नुपर्ने ठाउँमा झन् गिद्देनजर लगाएको देख्दा महानगरप्रति घृणा जागेको छ,' खड्काले आक्रोशित हुँदै भने ।
अहिले उक्त बसपार्क बचाउन भन्दै पूर्व अरनिको यातायात प्रालिका कर्मचारीले धर्ना कार्यक्रम जारी राखेका छन् ।
स्रोतका अनुसार पूर्व अरनिको यातायात प्रालिले बनाएको यस बसपार्क सञ्चालन गर्न नदिनेमा काठमाडौं महानगरपालिकाका मेयर बालेन साहकै बढी चासो छ ।
उनकै समितिले गोंगबुबाहेक अर्को बसपार्क नचाहिने भनेर नीति बनाएको स्रोतको दाबी छ ।
यस विषयमा जिज्ञासा राख्दा काठमाडौं महानगरपालिकाका प्रवक्ता नवीन मानन्धरले महानगरभित्र एउटा मात्र बसपार्क होस् भन्ने आफूहरूको नीति रहेको बताए ।
'काठमाडौं महानगरभित्र एउटा मात्र बसपार्क होस् भन्ने हाम्रो नीति नै हो,' मानन्धरले लोकान्तरसँग भने ।
नागरिकको सहजताका लागि अर्को बसपार्क बन्दा के फरक पर्छ त भन्ने प्रश्नमा उनले आफूसँग यस विषयमा थप जवाफ नरहेको बताए । 'यो हाम्रो नीति नै हो, मसँग धेरै एन्सर छैन,' मानन्धरले भने ।
भिडियो :
चक्रपथको दोस्रो खण्ड (कलंकी–महाराजगञ्ज धोबीखोला सडक) स्तरोन्नतिका लागि भनेर सडक भत्काउन थालेको करिब ५ वर्ष बित्यो, तर पनि मुख्य काम अझै शुरू हुन सकेको छैन । भत्किएको सडकका कारण स्थानीय र यात्रुले ...
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
साउन २ गते समातिएको ६० किलो सुन तस्करीको अनुसन्धानका क्रममा भन्सारका कर्मचारीहरू पक्राउ पर्न थालेपछि उनीहरू आन्दोलित भएका हुन् । सामुहिक सरुवा माग गरेका कर्मचारीले सरुवा नभएपछि आइतवारदेखि आन्दोलन श...
काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ । सरकारी मर्यादाक्रममा मुख्यसचिव ...
हरिबोधनी एकादशीको अवसरमा काठमाडौंको बूढानिलकण्ठ मन्दिरमा सप्ताह ज्ञान महायज्ञ भइरहेको छ । बूढानिलकण्ठ नारायण मन्दिर व्यवस्थापन समितिको आयोजनामा बिहीवारदेखि उक्त सप्ताह महायज्ञ शुरू भएको हो । ...
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...