​​​एशियन पेन्ट्सले होलीको अवसरमा काठमाडौंको इन्द्रचोकमा सांस्कृतिक कार्यक्रम सम्पन्न गरेको छ ।

काठमाडौं महानगरपालिका वडा नम्बर २४ र कुटुम्ब ब्यान्डको सहकार्यमा नेपालको पेन्ट बजारमा अग्रणी स्थानमा रहन सफल पेन्ट्सले कार्यक्रमको आयोजना गरेको हो ।

नेपाली संस्कृति र समुदायको पहिचान झल्काउने उद्देश्यका साथ सांस्कृतिक कुटुम्बको सहकार्यमा यस कार्यक्रम आयोजना गरिएको थियो ।

आइतवार दिउँसो १ बजेबाट शुरू भएको उक्त कार्यक्रम दिउँसो ४ बजेसम्म चलेको थियो । कार्यक्रममा कुटुम्ब ब्यान्डको सांस्कृतिक प्रस्तुति रहेको थियो ।

सांगीतिक प्रस्तुति बाहेक सहभागीहरूले फोटो बुथ र एशियन पेन्ट्स बाथ सेन्सको ओपन शावरको पनि मजा लिएका थिए ।

कार्यक्रमको बारेमा उत्साह व्यक्त गर्दै एशियन पेन्ट्स नेपालका कन्ट्री डाइरेक्टर गोपाल कृष्णले भने, ‘सामाजिक सद्‌भाव र एकता बढाउने यस होली पर्वमा कार्यक्रम आयोजना गर्न पाएकोमा हामी निकै हर्षित छौं । काठमाडौं महानगरपालिका वडा नम्बर २४ र कुटुम्ब ब्यान्डसँग होली मनाउन पाउँदा हामीले गौरवान्वित महसुस गरेका छौं। हामी सहभागीहरूको उत्साहजनक प्रतिक्रिया देखेर निक्कै खुसी छौं र हाम्रो यो विविधतालाई प्रबर्द्धन गर्न यो प्रयास जारी राख्ने आशा गर्दछौं ।’

विगतका वर्षझैं काठमाडौं महानगरपालिका वडा नम्बर २४ र कुटुम्ब ब्यान्डसँगको सहकार्यमा भएको कार्यक्रमले यसपालि पनि भरपूर सफलता पाएको आयोजकले बताएको छ ।