नेकपा एमाले र नेकपा (माओवादी केन्द्र)को गठबन्धनलाई चुनौती दिनेगरी सुदूरपश्चिम प्रदेशको मुख्यमन्त्रीमा नेपाली कांग्रेसले नागरिक उन्मुक्ति पार्टीका सांसदलाई मुख्यमन्त्री बनाउन प्रस्ताव गरेको छ । 

नागरिक उन्मुक्तिको रेशम चौधरी पक्षका लक्ष्मणकिशोर चौधरीलाई मुख्यमन्त्री बनाउन कांग्रेसले हस्ताक्षर बुझाएको हो । 

केन्द्रमा सरकारमा रहेको एकीकृत समाजवादीका सांसदको समेत हस्ताक्षर गरिएको छ ।

चौधरीले आइतबार प्रदेश प्रमुख नजीर मियाँलाई प्रदेश सभाका बहुमत सांसदको हस्ताक्षर बुझाएका हुन् । कांग्रेसका १८, नागरिक उन्मुक्तिका ७ र नेकपा एसका ४ जनाको हस्ताक्षर बुझाइएको छ । 

हस्ताक्षर बुझाएका घनश्याम चौधरीलाई नागरिक उन्मुक्ति पार्टीकी अध्यक्ष रञ्जिता चौधरीले निलम्बन गरिसकेकी छिन् । प्रदेश प्रमुख मियाँले कानूनी परामर्शपछि निर्णयमा पुग्ने बताएका छन् ।