विभिन्न स्थानमा तीन जना मृत अवस्थामा फेला परेका छन् । प्रहरी प्रधान कार्यालयका अनुसार ललितपुर महानगरपालिका-१४ नखीपोटस्थित बाटोमा सुनसरी धरान घर भएका करिब ६५ वर्षीय राजु भन्ने पुरूष सोमबार मृत अवस्थामा फेला परेका छन् । 

यसैगरी नवलपरासी पश्चिमको सुस्ता गाउँपालिका-३ गोबरैया बस्ने ३५ वर्षीय जितेन्द्र पाण्डे सोही गाउँपालिका-३ पत्थरकलास्थित कालिमाई मन्दिर नजिक चौतारीमा सोमबार मृत अवस्थामा फेला परेका छन् । 

रूपन्देहीको बुटवल उपमहानगरपालिका-९ कालीकास्थित खाली जग्गामा अन्दाजी ५० वर्षीया महिला सोमबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।