इङ्लिस प्रिमियर लिग (ईपीएल) फुटबलमा चेल्सीले एभर्टनलाई फराकिलो अन्तरले हराएको छ । गएराति घरेलु मैदान स्टामफोर्ड ब्रिजमा भएको खेलमा चेल्सीले एभर्टनलाई ६-० गोल अन्तरले हराएको हो । 

चेल्सीका कोले पाल्मरले चार गोल गरे । पाल्मरले खेलको १३औँ, १८औँ, २९औँ र ६४औँ मिनेटमा गोल गरे । त्यस्तै निकोलस ज्याक्सन र अल्फी गिलक्रिस्टले १/१ गोल गरे ।

जितसँगै नवौँ स्थानमा रहेको चेल्सीले ३१ खेलबाट ४७ अंक जोडेको छ। १६औँ स्थानमा रहेको एभर्टनको ३२ खेलबाट २७ अंक रहेको छ।

प्रिमियर लिगमा ३२ खेलमा ७३ अङ्कका साथ म्यानचेस्टर सिटी शीर्ष स्थानमा छ ।