‘३६ एमएमटीको छड’ उत्पादन गर्ने पहिलो नेपाली कम्पनी प्रिमियर स्टिलको स्टल काठमाडौंको भृकुटीमण्डपमा लागेको छ ।

हिमालयन हाइड्रो एक्स्पोले आयोजना गरेको उक्त एक्स्पोमा विभिन्न कम्पनी लगायत प्रिमियर स्टीलकाे समेत स्टल राखिएको छ । एक्स्पो शुक्रबारसम्म चल्ने कम्पनीका ब्रान्ड म्यानेजर सजल राउतले बताए ।

स्टलको मुख्य आकर्षक कम्पनीले उत्पादन गरेको ‘३६ एमएमटीको छड’ रहेको छ । राउतले भने, ‘हामीले यो स्टल राख्नुको उदेश्य भनेको ३६ एमएमटीको छड प्रदर्शन गर्नु हो ।’ यस कम्पनीले उत्पादन गरेको उक्त छड अरुण तेस्रो हाइड्रोपावर, विभिन्न विमानस्थललगायत ठूला आयोजनामा प्रयोग भइरहेको राउतले बताए ।

उनका अनुसार ‘५०० डिको छड’ फास्ट ट्रयाकको मेजर प्रोजेक्टको स्टेज १ देखि ७ सम्मका सबै प्रोजेक्टमा प्रयोग भएको छ । उनले भने, ‘नेपालका धेरैजसो मेगा प्रोजेक्टमा प्रिमियर स्टिलको समान प्रयोग भएको छ । हाम्रो कम्पनीले उत्पादन गरेको छड बलियो, गुणस्तरीय र लामो समय टिकाउ हुन्छ ।’ 

यसअघि ३० एमएमको छड छिमेकी मुलुक भारतलगायत अन्य मुलुकबाट आयात गरिएको कम्पनीले जनाएको छ । कोशी प्रदेशस्थित बिराटनगरमा सञ्चालित सबैभन्दा ठूलो स्टील कम्पनीका रुपमा स्थापित यस कम्पनीले दैनिक ८०० मेट्रिक टनसम्म उत्पादन क्षमता राख्दछ । कम्पनीले ८ एमएमदेखि ४० एमएमसम्मका छडको उत्पादन गर्दै आइरहेको छ ।

हेरौं भिडियोः