बुटवल-नारायणगढ सडक खण्ड शिलान्यास भएको ५ वर्ष पूरा भइसक्यो । करिब दुई वर्षअघि नै सकिनुपर्ने सडकको काम अहिलेसम्म ५० प्रतिशत पनि पुग्न सकेको छैन । वि सं २०७५ चैत ८ गते तत्कालीन प्रधानमन्त्री केपी शर्मा ओलीले सडक खण्डको शिलान्यास गरेका थिए । 

सहरी भेगमा सिक्स लेन र जङ्गली क्षेत्रमा फोर लेनमा विस्तार कार्य दुई खण्डमा विभाजन गरेर कामअघि बढाइएको थियो । 

सडक निर्माणमा ढिलाइ हुँदा सर्वसाधारणले सास्ती भोग्दै आएका छन् । पानी पर्‍यो भने सडक हिलाम्मे हुने र घाम लाग्दा धुलाम्मे हुने गरेको छ । 

अहिले पूर्व र पश्चिम खण्डका केही ठाउँमा कालोपत्रे शुरू भएको छ । १६ अर्ब ९९ करोड ५२ लाख रुपैयाँ लागतको योजनामा एसियाली विकास बैंकले ८५ प्रतिशत र बाँकी नेपाल सरकारले लगानी गरेको छ । 

२०७५ पुसमा चिनियाँ कम्पनी चाइना स्टेट कन्स्ट्रक्सन इन्जिनियरिङ एसोसियसन र सडक विभागबीच सम्झौता भएको थियो । 

तस्वीर: मनिष अर्याल/नेपाल फोटो लाइब्रेरी