पोखरा, ९ माघ- साविकको उपविजेता सहारा क्लबलाई ३-० ले पराजित गर्दै सुदूरपश्चिम- ११ स्पोर्टिङ क्लब १६औं आहा रारा गोल्डकपको क्वार्टरफाईनलमा प्रवेश गरेको छ। यससँगै सुदूरपश्चिमले १५औं संस्करणमा ४-० ले भोगेको हारको बदला पनि लिएको छ । गोलले पराजित भएको बदला समेत लिएको छ ।

सुदूरले २५औं मिनेटमा पहिलो अग्रता लियो । ७८औं मिनेटमा मनिराम चौधरीले गोल गर्दै अन्तरलाई दोब्बर पारे । अतिरिक्त समयमा राकेश हमालले गोल गर्दै ३-० को जित सुनिश्चित गरे । प्रतियोगितामा आधा दर्जन बढी अवसर पाए पनि सहाराका खेलाडीले गोल गर्न सकेनन् । प्रतियोगिताअन्तर्गत बुधबार भारतको सिक्किम युनाइटेड र धरान फुटबल क्लबबीच प्रतिस्पर्धा हुनेछ ।

प्रतियोगितामा नेपाल आर्मी, मनाङ मर्स्याङ्दी क्लब, नेपाल पुलिस क्लब, सशस्त्र प्रहरी, थ्रीस्टार क्लब दुई विदेशी टोली बरिन्धरा बंगलादेश र भारतको सिक्किम युनाइटेड, मोफसलका टोली, धरान फुटबल क्लब, झापा ११ र ए डिभिजनको संकटा क्लब गरी १२ टोलीले भाग लिएका छन् ।

प्रतियोगिताका विजेताले ७ लाख र उपविजेताले ३ लाख ५० हजार रुपैयाँ प्राप्त गर्नेछन् । वेष्ट अफ फाइभले नगदसहित ट्रफी, छानिएका दर्शकले स्कुटर तथा टिभी पाउने छन् ।

एक रुपैयाँ प्रतिटिकटका दरले संकलित रकम जिल्ला खेलकुद विकास समिति कास्कीलाई प्रदान गर्ने आयोजकले जानकारी दिएको छ । हिमश्री फुड्स प्रालिको मुख्य प्रायोजनमा जारी प्रतियोगितामा दर्शक आकर्षित गर्न प्रवेश टिकटमा भाग्यशाली दर्शकलाई हिरो ड्यास स्कुटर उपहार राखिएको छ ।