वाशिंटन– पत्रकार जमाल खशोगीको हत्या गर्ने साउदी टोलीका सदस्यहरूले अमेरिकामा प्रशिक्षण लिएको खुलेको छ । वाशिंटन पोस्टका अनुसार पूर्वकर्मचारीको हत्या सम्बन्धी केहि तत्थ्यको खुलासा भएको हो । 

साउदी प्रशासनको आलोचक खशोगीको रियादबाट पठाइएका १५ एजेन्टको टोलीले इस्तानबुलस्थित साउदी वाणिज्य दूतावासमा अक्टोबर २ मा हत्या गरेको थियो । पहिले हत्याको इन्कार गरेको साउदी अरबले पछि यो काम एजेन्टबाट भएको र यो नियन्त्रण भन्दा बाहिर रहेको जनाएको थियो । यो वर्ष शुरुवातमा साउदीले ११ संदिगधसँग पुछताछ गरेको थियो । 

वाशिंटन पोस्टका स्तम्भकार डेविड इग्नाटियसका अनुसार साउदी नागरिकद्वारा तुर्की खुफिया विभागद्वारा वाणिज्य दूतावासमा राखिएको एक रेकर्डिङअनुसार अध्ययनले यो निष्कर्ष निकालेको हो कि ‘वास्तविक योजना खशोगीको अपहरणपछि सोधपुछका लागि साउदी अरब लैजानु थियो । यो पनि थाहा हुन आएको छ कि खशोगीलाई बेहोस बनाउन सुइबाट औषधि दिइएको थियो । त्यसपछि उनको टाउकोमा झोला राखियो । त्यसपछि उनी चिच्चाउन लागे र केही बेरमा उनको मृत्यु भयो ।’ 

इग्नाटियसका अनुसार नाम नखुलाउने र्सतमा एक दर्जनजती अमेरिकी र साउदी स्रोतहरूसँगको कुराकानीपछि यो निष्कर्षमा पुगिएको हो । उनीहरुका अनुसार साउदीका रेपिड इन्टरवेंशन ग्रुपका केही सदस्यले अमेरिकामा प्रशिक्षण लिएका थिए ।