कात्तिक १९, २०८०
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
पुस १७, २०७६
२० लाख पर्यटक भित्र्याउने ‘महत्त्वाकांक्षी’ लक्ष्यसहित सरकारले नेपाल भ्रमण वर्ष २०२० को भव्य शुरूआत गरेको छ ।
बुधवार दशरथ रंगशालामा आयोजित विशेष समारोहबीच राष्ट्रपति विद्यादेवी भण्डारीले भ्रमण वर्षको शुभारम्भ गरिन् । बुधवार नै सातवटै प्रदेशमा विशेष कार्यक्रम गरियो ।
केही विदेशी प्रतिनिधि समेत उपस्थित कार्यक्रममा राष्ट्रपति भण्डारी र संस्कृति पर्यटन तथा नागरिक उड्डयन मन्त्री योगेश भट्टराईले नेपाल भ्रमण गर्न पर्यटकहरूलाई आह्वान गरे ।
सरकारले अन्तर्राष्ट्रिय स्तरमा पनि भ्रमण वर्षको प्रचार–प्रसार गरिरहेको छ । पर्यटन र यात्रासम्बन्धी प्रतिष्ठित संघ–संस्था र पत्रपत्रिकाले पनि सन् २०२० मा भ्रमण गर्नुपर्ने देशको सूचीमा नेपाललाई समावेश गर्नु हाम्रा लागि अवसर हो ।
पर्यटनको प्रचूर सम्भावना रहेको नेपालमा २० लाख पर्यटक भित्र्याउनु कुनै ठूलो कुरा होइन । नेपालको जति पनि विविधता नभएका एसियाका कम्बोडिया, भियतनाम, इन्डोनेसियाजस्ता देशले बर्सेनि लाखौं पर्यटक भित्राएका छन् ।
पर्यटन उद्योगमार्फत् ती देशले राष्ट्रिय आम्दानी बढाएका छन् र धेरैलाई रोजगारी सिर्जना गरेका छन्, तर पर्यटनको विस्तारमा नेपालले आफ्नो सम्भावनालाई बेच्न सकेको छैन । गत वर्षको आँकडा हेर्दा ११ लाख पर्यटक मात्र नेपाल आएका छन् ।
भ्रमण वर्षको पूर्वसन्ध्यामा भएको चिनियाँ राष्ट्रपति सी चिनफिङको नेपाल भ्रमण नेपालका लागि अर्को अवसर पनि थियो । सीको भ्रमणपछि नेपाल भ्रमणमा चिनियाँ पर्यटक आउन इच्छुक छन् ।
नेपालसँग सीमा जोडिएको तिब्बतमा मात्र वार्षिक एक करोड चिनियाँले भ्रमण गर्छन् । त्यहाँ आउने १० प्रतिशत चिनियाँ पर्यटकलाई मात्र नेपाल ल्याउन सकेमा नेपाले वार्षिक २० लाख पर्यटक भित्र्याउन समस्या हुँदैन ।
जतिसुकै सुधारको कुरा गरेपनि विमानस्थलमा अहिले पनि यात्रुले आफ्नो लगेज लिनका लागि लामो समय कुर्नुपर्छ । पैसा खर्च गरेर आराम र मनोरञ्जनका लागि आउने पर्यटकले लगेज लिन लामो समय विमानस्थलमा कुर्नु पर्दा उनीहरूको मनमा कस्तो भावना उत्पन्न हुन्छ होला ? विमानस्थलबाट बाहिरिएपछि पर्यटक ट्याक्सीबाट ठगिन्छन् ।
हिँड्ने सडक धुलाम्मे छ । काठमाडौंबाट नजिक रहेको पर्यटकीय स्थल नगरकोट जाने सडकको अवस्थाले हाम्रो तयारी कस्तो छ भन्ने देखाउँछ ।
विमानस्थलदेखि पदयात्रासम्म पर्यटकलाई विभिन्न दिग्दारी र झण्झटबाट मुक्त गर्नु जरुरी छ ।
पर्यटकको संख्या बढाउनु मात्र ठूलो कुरा होइन, नेपालमा खर्च गर्न सक्ने पर्यटक भित्र्याउनु महत्त्वपूर्ण कुरा हो । त्यो भन्दा महत्त्वपूर्ण कुरा नेपाल आएर फर्किएका पर्यटक फेरि–फेरि नेपाल भ्रमणमा आउने वातावरण बनाउनु तथा नेपाल भ्रमणमा आएका पर्यटकले आफ्नो परिवारका सदस्य तथा साथीलाई नेपाल भ्रमण गर्नुपर्छ भन्ने सन्देश लैजान सके भने दशरथ रंगशालामा गरेको तामझामभन्दा महत्त्वपूर्ण हुनेछ ।
पर्यटकलाई आतिथ्यता प्रदान गर्ने होटल व्यवसायीले पनि एउटै पर्यटकसँग धेरै कमाउ भन्ने भावना त्यागेर धेरै पर्यटक ल्याउन आफ्नो ठाउँबाट योगदान गर्न जरुरी छ ।
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) स्थापनाको सात वर्ष पूरा गरेर आजदेखि आठौं वर्षमा प्रवेश गरेको छ । यस अवसरमा सबैभन्दा पहिला हामी हाम्रा समस्त पाठक, विज्ञापनदाता र शुभेच्छुकहरूप्...
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...