काठमाडौँ, ३० पुस -नेकपा (एमाले)का अध्यक्ष केपी शर्मा ओलीको स्वास्थ्य अवस्था राम्रो भएको पाइएको छ । 

नियमित स्वास्थ्य परीक्षणका क्रममा थाइल्याण्डको बैककमा गएका  अध्यक्ष ओलीको स्वास्थ्य अवस्था राम्रो भएको उनका  स्वकीय सचिव एलिस दाहालले जानकारी दिए  । 

‘‘अध्यक्षज्यूको एउटा परीक्षण बाँकी छ । सबै रिर्पोट राम्रो देखिएको छ’’ दाहालले भने–‘‘उहाँको स्वास्थ्य अवस्था सोचेभन्दा राम्रो छ ।’’ 

अध्यक्ष ओली स्वास्थ्य परीक्षणका क्रममा अहिले बैककको वुमरुमगाड अस्पतालमा स्वास्थ्य परीक्षण गराइरहेका छन्  । 

निर्वाचनको दौडधुपका कारण चिकित्सकको सल्लाहअनुसार उनी  स्वास्थ्य परीक्षण गराउन बैंकक  गएका हुन् । 

उनी यही पुस २६ गते धर्मपत्नी राधिका शाक्यसहित चिकित्सक विद्यासिंह साह र यादव भट्टको साथमा बैंकक गएका हुन्  । अध्यक्ष ओली आगामी बुधबार स्वदेश फर्कने स्वकीय सचिव दाहालले जानकारी दिए  ।