काठमाडौं, ८ जेठ–भारतमा जारी इण्डियन प्रिमियर लिग (आईपीएल) क्रिकेटमा उत्कृष्ट प्रदर्शन गरेका युवा क्रिकेटर सन्दीप लामिछाने मंगलबार स्वदेश फर्कँदै छन् । उनी अपराह्न सवा ४ बजे त्रिभुवन विमानस्थलमा अवतरण हुने बताइएको छ । 

सन्दीपले आईपीएलमा दिल्ली डेयरडेभिल्सबाट खेलेका थिए । तर उनको टिम खेलबाट बाहिरी सकेको छ । सन्दीपले तीन खेल खेल्दै १२ ओभरमा ८२ रन खर्चिएर पाँच विकेट लिएका थिए । 

दिल्लीले शुरुका तीन खेलमा सन्दीपलाई खेलाएको थिएनन् । उनले रोयल च्यालेन्जर्स बैंगलोरविरुद्ध खेलेर आईपीएलमा डेब्यू गरेका थिए । सन्दीपले पहिलो खेलमा चार ओभर बलिङ गर्दै २५ रन खर्चिएर एक विकेट लिए । दोस्रो खेलमा चेन्नई सुपर  किङ्सविरुद्ध चार ओभरमा २१ रन खर्चिएर एक विकेट हात पारे ।

आइतबार भएको मुम्बई इन्डियन्सविरुद्धको अन्तिम खेलमा सन्दीपले चार ओभरमा ३६ रन दिएर तीन विकेट हात पारेका थिए ।