फुजेल घटनामा अदालतको निर्माणलाई सम्मान गर्छाैं : अध्यक्ष प्रचण्ड

असार २८, २०७५

चितवन – नेपाल कम्यूनिस्ट पार्टीका अध्यक्ष पुष्पकमल दाहाल ‘प्रचण्ड’ले गोरखाको फुजेल घटनामा अदालतले गर्ने निर्णयको सम्मान गर्ने बताएका छन् ।

आज चितवनमा आयोजित पत्रकार सम्मेलनमा उनले समाजमा सकारात्मक वातावरण बनाउनका निम्ति समझदारी र जिम्मेवारीका साथ छविलाल पौडेल अहिले कारागारमा रहेको बताए । मुद्दाको अर्काे पक्षले के गर्छ भन्ने उनीहरूकै कुरा भएको भन्दै उनले भने, ‘योभन्दा बढी टिप्पणी गर्नु अहिले उचित ठान्दिनँ ।’

फरक प्रसङ्गमा उनले प्रदेशका राजधानी तोकिसकिएका ठाउँ नबदल्ने हो कि भन्ने तर्क आएको बताउँदै भने, ‘एक ठाउँमा प्रदेश राजधानी बदल्दा चारैतिर हावा चल्ने हो कि भन्ने चिन्ता राजनीतिक नेतृत्वमा देखापरेको छ ।’ प्रदेशको राजधानी तोक्ने जिम्मेवारी प्रदेशलाई नै भएको बताउँदै उनले ३ नम्बर प्रदेशको राजधानीका विषयमा पार्टीले कुनै धारणा नबनाएको बताए ।

अर्काे एक प्रसङ्गमा उनले डा. गोविन्द केसीको सम्बन्धमा चिकित्सक संघसँग छलफल भएको भन्दै डा. केसीलाई काठमाडौंमा ल्याएर उपचार गर्ने र वार्ता गर्ने विषयमा अविलम्ब पहल गर्न आफूले सुझाव दिएर आएको बताए । केसीका माग हुबहु सम्बोधन हुन नसक्ने भन्दै उनले अन्तिम फैसला गर्ने अधिकार संसद्लाई भएको बताए ।

असार २८, २०७५ मा प्रकाशित

प्रतिक्रिया दिनुहोस

ताजा समाचार