काठमाडौं– नेकपा अध्यक्ष प्रचण्ड आफ्नो चीन भ्रमण पूरा गरी बुधबार राती स्वदेश फर्किएका छन् । 

चिनियाँ कम्युनिस्ट पार्टीको विशेष निमन्त्रणामा प्रचण्ड शनिबार चीन गएका थिए । 
चीन भ्रमणको क्रममा अध्यक्ष प्रचण्डले चिनियाँ कम्युनिस्ट पार्टीका उच्च नेतासँग आपसी हित र द्विपक्षीय चासोका विषयमा छलफल गरेका थिए । 

केही दिन पहिले भारत भ्रमणमा  गएका प्रचण्ड सोलगत्तै चीन गएका हुन् ।  भारत भ्रमणका क्रममा अध्यक्ष प्रचण्डले  भारतीय प्रधानमन्त्री नरेन्द्र मोदी, विदेशमन्त्री सुष्मा स्वराज, गृहमन्त्री राजनाथ सिंहलगायतसँग भेट गरी नेपाल–भारत सम्बन्धमा विविध पाटाका बारेमा छलफल गरेका थिए । 
भारत भ्रमणलगत्तै भएको प्रचण्डको चीन भ्रमणलाई कतिपयले अर्थपूर्ण रुपमा लिएका छन् ।