काठमाडौं — बेलायतको गृह मन्त्रालयले जारी गरेको आँकडाअनुसार, देशमा विगत पाँच वर्षमा धार्मिक हिंसा बढेको छ । 

यसमा धेरैजसो मामिलामा मुसलमानहरू हिंसाको शिकार बनेका छन् । 

इंग्ल्यान्ड र वेल्समा सन् २०१७–१८ मा ९४ हजार ९८ वटा आपराधिक घटना भए । यो सन् २०१६–१७ को तुलनामा १७ प्रतिशत बढी हो । 

त्यसमा धार्मिक हिंसाको घटना ८ हजार ३३६ थिए जुन अघिल्लो वर्षको तुलनामा ४० प्रतिशत बढी हो । एक वर्षअघि यस्ता घटनाको संख्या ५ हजार ९४९ थियो । 

सन् २०१६ मा ब्रेक्जिटका पक्षमा भएको जनमत संग्रह र बेलायतमा भएका आतंकवादी घटनामा वृद्धिका कारण धार्मिक हिंसा बढेको बताइएको छ ।

एजेन्सी