काठमाडौं — अस्ट्रेलियामा चलिरहेको बिग ब्याश लीगमा आइतवार विवादास्पद घटना भएको छ । पर्थको मैदानमा सिड्नी सिक्सर्स र पर्थ स्कोर्चर्सबीच एक म्याचमा पर्थका अनुभवी ब्याट्स्म्यान माइकल क्लिंगर आउट हुँदा ठूलो विवाद उठ्यो । 

क्लिंगर खासमा ओभर सकिएपछि पनि फालिएको बलमा आउट भए । एक ओभरमा ६ बल हुन्छन् तर अम्पायरले बलको गणना राख्न भुलेर बलरलाई सात बल गर्न लगाए । अनि त्यही सातौं बलमा क्लिंगर आउट भए । 

सिड्नी सिक्सर्सले पहिलो ब्याटिङ गर्दै २० ओभरमा पाँच विकेट गुमाएर १७७ रन बनायो । 

लक्ष्य पछ्याएको पर्थ स्कोर्चर्सले दोस्रो ओभरमा सिड्नी सिक्सर्सका बलर बेन वारशुईसको बलमा माइकल क्लिंगरलाई स्टिभ ओकीफलाई क्याच थमाए । क्लिंगर आउट भएको बल खासमा ओभरको सातौं बल थियो । 

ओभरमा कुनै पनि वाइड र नो बल फालिएको थिएन र ६ बल फालिसकिएको थियो ।

100% confirmation Michael Klinger was dismissed off the 7th ball of an over...#BBL08 pic.twitter.com/gzOfh8Pq9M

— #7Cricket (@7Cricket) January 13, 2019