सहमतिको प्रयासका लागि भन्दै नेकपा स्थायी कमिटीको बैठक २४ गते बुधवारसम्मका लागि स्थगित भएको छ ।

अध्यक्षद्वय प्रधानमन्त्री केपी शर्मा ओली र पुष्पकमल दाहाल 'प्रचण्ड'बीच छलफलका लागि भन्दै १८ गते बिहीवारको बैठक शनिवारसम्मका लागि स्थगित भएको थियो । 

शनिवार दोस्रोपटक सोमवारसम्मका लागि बैठक स्थगित भएको थियो ।

आज सोमवार बिहान ११ बजेका लागि बोलाइएको बैठक २४ गते ११ बजे बस्नेगरी स्थगित भएको प्रधानमन्त्रीका प्रेस सल्लाहकार सूर्य थापाले जानकारी दिए । 

सहमतिको प्रयासस्वरूप ओली प्रचण्डबीच सोमवार पनि छलफल हुँदैछ । दुई नेताबीच हिजो भएको छलफल आज फेरि गर्नेगरी सकिएको थियो ।