अमेरिकाको ह्युस्टनबाट एटलान्टाका लागि उड्न तयार डेल्टा एयरलाइन्सको विमानमा मौरीको हुल पसेपछि उडानमा लगभग तीन घन्टाको ढिलाइ भएको छ । 

ती मौरीहरूलाई कसरी विमानबाट हटाइयो भनी डेल्टाले जानकारी दिएन । तर यात्रुरहित विमानलाई गेटबाट हटाएर अलिक पर लगी मौरीहरू धपाइएको थियो । 

मौरीहरूलाई नमारिकन अनि विमानको भित्री भागलाई विषाक्त नबनाइकन हटाउँदा ढिलाइ भएको हो । 

उडान ढिलाइ भएकोमा डेल्टाले यात्रुहरूसँग माफी मागेको छ ।